________________
ક્ષપકશ્રેણિએ આરૂઢ થયા. મોહ અને અજ્ઞાનનો સર્વથા અભાવ થતાં પરમાત્મા સર્વજ્ઞ સર્વદર્શી બન્યા. દેવોએ સમવસરણની રચના કરી, ચૈત્યવૃક્ષને ત્રણ પ્રદક્ષિણા દઈને રનસિહાસન ઉપર વિરાજમાન થઈને પરમતારક ધર્મદેશનાના માધ્યમથી અનંત પરમતારક શ્રી જિનેન્દ્રધર્મનો અમૂંડાણથી તલસ્પર્શી પરિચય આપીને અર્થાત્ બોધ આપીને તારક તીર્થરૂપ શ્રમણ પ્રધાન ચતુર્વિધ જૈન સંઘની સ્થાપના કરી, વિશ્વવર્તી સંસારી જીવોને ધર્મદેશનાના, માધ્યમથી પરમ તારક ધર્મનો અમૂંડાણભર્યો તલસ્પર્શી પરિચય (બોધ) થવાથી ધર્મના અચિત્ય અનંત પરમપ્રભાવે ગુરુકર્મી જીવાત્માઓ ધર્મથી ભાવિત થઈ લઘુકર્મી બન્યા. એ રીતે ધર્મ આરાધનથી ભાવિત થતાં અગણિત આત્માઓ...સંપૂર્ણ કલ્યાણ સાધીને મોક્ષપદને પામ્યા.
સાડા પચ્ચીશ આર્યદેશોના સમૂહરૂપ આર્યાવર્તના અનેકાનેક નગરાનુનગર અને પ્રામાનુગ્રામ વિચરતાં દેવાધિદેવ ભવ્ય આત્માઓ ઉપર કલ્પનાતીત અનંત ઉપકાર કર્યો. જેના પ્રભાવે અનુગૃહીત આત્માઓ સિદ્ધ પરમાત્મા થયા.
આયુષ્ય પૂર્ણ થવાનો નિકટ સમય આવ્યો, ત્યારે દેવાધિદેવ ચતુર્દશત્મગુણસ્થાનકે આરૂઢ થઈને સર્વ કર્મથી મુક્ત થયા. તે જ સમયે તીર્થંકર પરમાત્માનો સિદ્ધ પરમાત્મારૂપે સિદ્ધશીલા ઉપર વાસ થયો.
શ્રી સિદ્ધ પરમાત્મ સ્વરૂપ થયેલ તીર્થંકર પરમાત્માની કઈ ઇચ્છા-અપેક્ષા-તમન્ના રહી ગઈ ? કે પરમાત્માના નામે આચાર્ય મહારાજાઓએ ઉપદેશના માધ્યમથી ભોળા ભક્તવર્ગને પુણ્યાનુબંધિ પુણ્યનું પ્રબળ પ્રલોભન આપીને લખલૂંટ ભંડારો ભરાવ્યા. અકિંચન પરમાત્માને દ્રવ્યની કોઈ અપેક્ષા ખરી?