________________
(૨)
માટે સુજ્ઞ આત્માઓ પોતાના હૈયાનું ઘમ્મર વલોણું કરી નાંખતા હોય છે. કરવા યોગ્ય સર્વસ્વ સુપ્રયાસો કરવામાં અંશમાત્ર કચાશ રાખતા નથી. તો પણ અવિવેકી અજ્ઞ આત્માઓ સુજ્ઞોની મનોવ્યથા રખેને શમી ન જાય, તે માટે ભવાભિનંદિઓ મ ાઅભિશાપરૂપ પોતાનું અભદ્ર આચરણ ચાલુ જ રાખતા હોય છે. આ વાત થઈ જેમને અનંત પરમ તારક શ્રી જિનશાસન નથી મળેલ, એવા ભવાભિનંદિઓની.
અનંત પરમ તારક શ્રી જિનશાસન મળ્યા પછી પણ એકાન્તે એમ ન કહી શકાય કે, શ્રી જિનશાસન પામેલ આત્માઓ શ્રી જિન આજ્ઞાથી વિપરીત પ્રરૂપણા અને આચરણ કદાપિ કરો જ નહિ. હાં, જ્યાં સુધી શ્રી જિન આજ્ઞાને પરમ સબહુમાન આદર પૂર્વક નિર્મળ હૈયે ધારણ કરીને શિરસાવન્ધ શિરોમાન્ય કરાતી હોય, ત્યાં સુધી તો અણિશુદ્ધ અખંડ પ્રરૂપણા, અને શક્ય તેટલું પરમ શુદ્ધ આચરણ કરવામાં અંશમાત્ર ક્ષતિ નહિ આવે. પરંતુ કોઈક ભવે અજ્ઞાનવશ મમતે ચઢીને સર્વ પાપનો બાપ મિથ્યાત્વ બંધાઈ ગયેલ હોય, એ પાપ નિર્જરાયેલ ન હોય, તો એ પાપ ઉદયમાં આવતાં જીવાત્મા મમતે ચઢીને વિના વિચાર્યે અવિવેક ભરી મિથ્યા પ્રરૂપણા અને અભદ્ર આચરણ કરવાનું અક્ષમ્ય દુસ્સાહસ કરતાં યે સંકોચ ન અનુભવે.
અભદ્ર આચરણ એ આરાધના નથી પણ મહાવિરાધના છે
:
સર્વપર્વ શિરોમણિ પર્વાધિરાજરાજેશ્વર શ્રી પર્યુષણા મહાપર્વની આરાધના કરતાં ભાદરવા શુદિ એકમના દિને શ્રી વી૨ જિન જન્મ વાંચન પહેલાં ચૌદ મહાસ્વપ્ન ઉતારીને શ્રી સંઘને દર્શન કરાવવાના પુણ્યપ્રસંગે બોલાતી બોલીઓ (ચઢાવાઓ)ની રકમ દેવદ્રવ્ય જ હોવા છતાં કેટલાક ગચ્છના સમુદાયો સર્વસ્વ ઉછામણીની રકમ સાધારણ
