________________
॥ अहम् ॥ श्रीविनयविजयोपाध्यायविरचिता पं०-श्रीगम्भीरविजयगणिनिर्मित
टीकोपेता नयकर्णिका। वर्द्धमानं स्तुमः सर्वनयनद्यर्णवागमम् । संक्षेपतस्तदुन्नीतनयभेदानुवादतः॥१॥ _ नीयन्ते प्राप्यन्ते सदंशाङ्गीकारेणेतरांशौदासीन्यतया वस्तुबोधमार्ग यैस्ते नयाः नैगमादयः सर्वे च तं नयाश्च सर्वनयास्त एव नद्यः सरितस्तासामर्ण वस्समुद्रतुल्यः आगमो वाक्पथो यस्य स तथा तं बईमानं चरमजिनवरं वयं स्तुमः स्तुतिविषयी कुर्म कुतः कस्मात् तदुन्नीतनयभेदानुवादतः तत्तस्य श्रीवर्धमानस्य उत्प्राबल्येन नीताः वचनरूपेण प्राप्ताः ये नयानां भेदाः विशेषास्तेषामनुवादतः कथितस्यैव यत्कथनं तदनुवादस्तस्मादनुवादतः कुर्मइति शेषः कथं संक्षेपतोऽल्पविस्तरत इति ॥१॥
