Devdravya Ane Jinpuja Samiksha

SR No.: 006101
Original Sutra Author: N/A
Author: Prashamprabhvijay
Publisher: Syadwad Prakashan
Total Pages: 66
Language: Gujarati
Classification: Book_Gujarati & Devdravya
File Size: 6 MB

Page 32

ઉપયોગ થઈ શકે છે તેવું આ પાઠથી જણાઈ આવે છે. વળી પ્રભુ આગળ રાખેલા ભંડારની આવકનું દેવદ્રવ્ય તથા ઉપધાન-સંઘમાળ-સ્વપ્નઅંજનશલાકા-પ્રતિષ્ઠા-આરતિ-મંગળદીવો-પ્રભુજીને પ્રથમ પૂજાદિની ઉછામણીનું દેવદ્રવ્ય કે મંદિરના દ્વારોદ્ઘાટનના ચડાવા વગેરેનું દેવદ્રવ્ય નિર્માલ્ય દેવદ્રવ્ય સાથે બિલકુલ સામ્ય ધરાવતું હોવાથી નિર્માલ્ય દેવદ્રવ્યની જે ગતિ થાય તેવી આ બધા દેવદ્રવ્યની પણ થાય, તે વાત આપણે પૂર્વે પૃ.૫ થી ૭ ઉપર જોઈ ગયા છીએ. તેથી આ બધા દેવદ્રવ્યથી પણ જીર્ણોદ્ધારની જેમ નૂતન જિનાલય બનાવવામાં કોઈ બાધ નથી. તેથી ‘શાસ્ત્રોમાં ક્યાંય દેવદ્રવ્યથી નૂતન જિનાલય બનાવવાની વાત જ નથી, છતાં પૂ.આચાર્ય ભગવંતો એને માન્ય રાખે છે. આ વાત જ વજૂદ વગરની છે.
હવે ‘દેવદ્રવ્યથી જિનપૂજા થઈ શકવાનું શાસ્ત્રમાં ઠેર ઠેર જણાવ્યું છે છતાં એનો વિરોધ શા માટે?' આવું જે આ.શ્રીઅભયશેખરસૂરિજી લખે છે, તેમાં પણ તેમની પાસે દેવદ્રવ્ય અને જિનપૂજા’ પુસ્તકના પૃ.૧-૨ ઉપર બતાવેલા ત્રણ પાઠો તથા ધા.વ.વિ.’ પુસ્તકના પૃ.૧૯૫ થી ૧૯૮ ઉપર બતાવેલા તેના જેવા જ બીજા કેટલાક પાઠો સિવાય કશું નથી. આમાંના એકે ય શાસ્ત્રપાઠથી તેમણે જે દેવદ્રવ્યને નિશાન બનાવ્યું છે તે દેવદ્રવ્યથી જિનપૂજા થઈ શકવાની વાત સિદ્ધ થઈ શક્તી નથી. જે વાત આપણે આ પુસ્તકના પૃ.૨ થી ૧૪ સુધીમાં વિસ્તારથી જોઈ ગયા છીએ. એ પાઠોમાં દેવદ્રવ્યથી પૂજા, મહાપૂજા, મહોત્સવાદિ થઈ શકવાનું જે જણાવ્યું છે, તે પૂજા દેવદ્રવ્ય (જિનમૂર્તિ સાધારણરૂપ દેવદ્રવ્ય) અને કલ્પિત દેવદ્રવ્ય (જિનમંદિર સાધારણરૂપ દેવદ્રવ્ય) કે જે સંકલ્પિત દેવદ્રવ્યો છે, તેનાથી યથાયોગ્ય થઈ શકે છે એમ સમજવાનું છે. પણ નિર્માલ્ય દેવદ્રવ્ય તથા સ્વપ્નાદિ દેવદ્રવ્ય કે જે સમર્પિત દેવદ્રવ્ય ગણાય છે, તેનાથી આ બધા કાર્યો થઈ શકવાની વાત નથી. સામો પક્ષ જ્યારે ગમે તે દેવદ્રવ્યથી જિનપૂજાદિ કરવાની વિપરીત વાતને પ્રચારતો હોય ત્યારે વિરોધ કરવાના શોખથી નહીં
પણ શાસ્ત્રસાપેક્ષ સત્ય વાતને અસ્મલિત રાખવા માટે અમારે વિરોધ કરવો a. દેવદ્રવ્ય અને જિનપૂજા’ પુસ્તકના પેજ નં. સંવત ૨૦૫૧માં છપાયેલા પુસ્તક પ્રમાણેના છે.