Page Text
________________
દર્શાવનાર શાસ્ત્રપાઠ આપી શક્યા ન હતા...વળી સ્વ.પૂ.આ.શ્રીરામ -ચન્દ્રસૂરિ મહારાજને પણ છેલ્લાં વર્ષોમાં કેટલીય વાર “દેવદ્રવ્યથી પૂજા કરનારને દેવદ્રવ્યભક્ષણનો દોષ લાગે? એનો અને એવું કરનારને શું પ્રાયશ્ચિત્ત આપવું? કયા શાસ્ત્રપાઠના આધારે ?' આ પૂછાયું હોવા છતાં તેઓ ક્યારેય આનો જવાબ આપી શક્યા નહોતા...હજું પણ તેઓને જાહેર આહ્વાન છે કે આવું જણાવનાર કોઈપણ શાસ્ત્રપાઠ હોય તો તેઓ એના સ્પષ્ટ સરળ અનુવાદ સાથે જાહેર કરી એનો પ્રચાર કરે..અનુવાદ સાથે પાઠ આપવાનું કહેવામાં આવે ત્યારે ગભરાઈને તેઓ એવો સવાલ કરે છે કે શું સાધુઓ સંસ્કૃત ભણેલા નથી? અનુવાદની શું જરૂર છે? પણ ભાઈ! શ્રાવકોને સત્યની જાણ થાય એ માટે જ મોકલેલા પાઠના ગુજરાતી અનુવાદ કરવાની જરૂર છે. પણ, તેઓ આમ કરતા નથી, કારણ કે મનમાં તેઓ પણ સમજે છે કે મોકલેલાં કોઈ પાઠમાં ભક્ષણના દોષની તો વાત જ નથી અને અનુવાદ કરવામાં ઘરનું કાંઈ ઉમેરવા જઈએ તો પકડાઈ જવાય. માટે જ તેઓ અનુવાદ સાથે શાસ્ત્રપાઠ જાહેરમાં મૂકતા નથી.”
આશ્રીઅભયશેખરસૂરિજી “સામો પક્ષ અમને શાસ્ત્રપાઠ નથી આપી શકતો’ આવી જૂઠી વાતો કરવામાં તથા વજૂદ વગરના જાહેર આહ્વાનો આપવામાં માહેર છે, તેઓશ્રી અમને પૂછે છે કે “દેવદ્રવ્યથી પૂજા કરનારને દેવદ્રવ્ય ભક્ષણનો દોષ લાગે? લાગે તો કયા શાસ્ત્રના આધારે? તેનું શું પ્રાયશ્ચિત્ત આપવું? તે પણ ક્યા શાસ્ત્રના આધારે?” આવું તો અમેય તેમને પૂછીએ કે “દેવદ્રવ્યની જગ્યામાં સાધર્મિક ભક્તિનું આયોજન કરાય તો દેવદ્રવ્યના ભક્ષણનો દોષ લાગે? લાગે તો કયા શાસ્ત્રના આધારે? શું પ્રાયશ્ચિત આવે? તે પણ કયા શાસ્ત્રના આધારે?” તો શું તેઓશ્રી જવાબ આપશે? આ સ્થળે દેવદ્રવ્યનું ભક્ષણ થયાનું તેમનું માનવું છે, અને પ્રાયશ્ચિત્ત રૂપે દેવદ્રવ્યમાં ભાડા પેટે ઉચિત રકમ પણ ભરવાનું તેમનો પક્ષ જણાવે છે. અમારું એમને જાહેર આહ્વાન છે કે આવું જણાવનાર કોઈ પણ શાસ્ત્રપાઠ હોય તો તેઓ એના સ્પષ્ટ સરળ અનુવાદ સાથે એને જાહેરમાં મૂકે.
15
| SR No. | 006101 |
| Book Title | Devdravya Ane Jinpuja Samiksha |
| Original Sutra Author | N/A |
| Author | Prashamprabhvijay |
| Publisher | Syadwad Prakashan |
| Publication Year | |
| Total Pages | 66 |
| Language | Gujarati |
| Classification | Book_Gujarati & Devdravya |
| File Size | 6 MB |