________________
નથી, પ્રશ્ન માત્ર ઉંમરનો છે ! તેમને કહેવાનું મન થાય છે કે પ્રશ્ન જો માત્ર ઉંમરનો હોય તો
દીક્ષાની ઉંમર તો યોગ્ય છે પણ
શિક્ષણની ઉંમર વિચારવાની જરૂર છે!
આજે શિક્ષણ શરૂ થવાની ઉંમર ઘટતી જાય છે. પાંચ વર્ષની ઉંમર સુધી માતાના હુંફાળા ખોળામાં કિલ્લોલ કરતું બાળક આજે ઉંમરના સાતમા વર્ષે તો તેની શૈક્ષણિક કારકીર્દિના પાંચ વર્ષ પસાર કરી ચુકેલું હોય છે.
બાળકને બાળપણથી શિક્ષણ આપવું જોઈએ તે વાત સાચી પણ તે બાળપણ પણ કંઈક મોટી ઉંમરનુ હોવું જરૂરી છે. બાળદીક્ષાનો વિરોધ કરનારા ચાઈલ્ડ વેલફેરના હિમાચતીઓને બે વર્ષની ઉંમરથી પણ વહેલી શરૂ થતી બાલશિક્ષામાં બાળકોનું થતું સ્પષ્ટ અહિત દેખાતું નથી ?
માતાનો ખોળો એ બે વર્ષના બાળક માટે ઈન્ટેન્સિવ કેર યુનિટ છે. પ્રારંભિક વર્ષોમાં તેને ત્યાં મળતી હૂંફ, સ્નેહ અને સંસ્કારો તેના જીવનમાં પ્રાણવાયુની ગરજ સારે છે. ખરેખર તો શૈશવની કુમળી વયમાં જ બાળક પાસેથી માતાનો ખોળો ખૂંચવી લેતી વર્તમાન શિક્ષણ પ્રથા સામે ફૂંફાડો મારીને લાખો બાળકોના વેલફ્રેન્ડ બનવાની તાતી જરૂર છે.
આજના શિક્ષણવિદો, ચાઈલ્ડ સ્પેશ્યાલિસ્ટ્સ અને મનોવૈજ્ઞાનિકો પણ સ્વીકારે છે કે માત્ર બે વર્ષની ઉંમરથી શિક્ષણના બોજ નીચે આવી જતું બાળક આગળ
33
