________________
૮૮
તીર્થમાલા
તે વખતના સોઢા શાસક સુતોજી ઇ. ૧૭૧૬માં મૂર્તિને લઈને પોતે બનાવેલ બખાસરના કિલ્લામાં લઈ ગયા. (સુતોજી વીરાવાવની ગાદી પર આવેલા દર્શનાર્થીઓ જે રકમ ભગવાનને ચરણે મૂકતાં તેમાંથી અર્ધી પૂજારીને મળતી અને અર્ધી સોઢાઓને મળતી. ગોડીજીના સોઢાઓ એ રકમમાં ઘાલમેલ કરે છે તેમ લાગવાથી સુતોજી ભગવાનને બખાસર લઈ ગયેલા. બખાસર લાવ્યા પછી એક વર્ષે મૂર્તિના દર્શન માટે મેળો યોજાયેલો. મૂર્તિને લીંબડાના ઝાડ નીચે ભંડારેલી અને પછી મેળા વખતે કાઢેલી. આ વખતે સુરતના નવલખા પરિવારના શ્રાવિકા દર્શન માટે આવેલા. સુતોજીએ દર્શન કરાવવા ઘણા પૈસા માંગેલા. છેવટે નવ હજાર રૂપિયા લઈ દર્શન કરાવ્યાં હતાં. ત્યાર પછી સુતોજી મૂર્તિને વીરાવાવ લાવેલા, ત્યાં પણ મેળો ભરાયેલો. મેળા વખતે દર્શનના સારા પૈસા મળતા. સારી ઓફર મળે તો મૂર્તિને લઈને રણને પાર મોરવાડા વગેરે સ્થળે પણ સોંઢાઓ જતાં. ૧૦૦ ચોકિયાતો તે વખતે સાથે રહેતા. આ રીતે મેળા ભરાતા હતા- સૂઈગામ ઇ. ૧૭૬૪, મોરવાડા ૧૭૮૮-૯૬, ૧૮૧૦-૨૨, વીરાવાવ ૧૮૨૪. ૧૮૩૨માં તત્કાલીન સોઢા શાસક પુંજાજી, તેમના દુશ્મન સીંધના મીરોના હાથમાં પકડાયા અને મરાયા. ત્યારબાદ કોઈએ મૂર્તિ દેખી નથી. પંજોજી પોતે મૂર્તિને ભંડારતો અને કાઢતો. પોતાના વારસદારને સંતાડવાનું સ્થળ