________________
તીર્થમાલા
૮૭
વાવ નગરના ભવ્ય મનોહર જિનાલયમાં મૂળનાયક પદે બિરાજમાન શ્રી ગોડી પાર્શ્વનાથજી તે વિલુપ્ત મનાતા મૂળ શ્રી ગોડી પાર્શ્વનાથ પ્રભુ જ છે. તે હકીકતનું સમર્થન કરતાં સંખ્યાબંધ પૂરાવાઓ તાજેતરમાં જ ઉપલબ્ધ થયા છે.
શ્રી ગોડીપાર્શ્વનાથ તીર્થની ઉત્પત્તિની વિસ્તૃત કથા પૂર્વે જાણી લીધા પછી અહીં તે મૂર્તિના પસાર થયેલા અનેક તબક્કાઓને ક્રમસર જાણી લઈએ.
Memoir of Thur And Parker Dist of Sind. નામનું પુસ્તક તે વખતના પાર્કરના મેજીસ્ટ્રેટ Capt. Standy Napier Raixes દ્વારા લખાયેલું છે.
ઇ. ૧૮૫૬માં પ્રકાશિત પ્રસ્તુત પુસ્તકમાં પૃ. ૮૩-૮૪ ઉપર ગોડીજી પાર્શ્વનાથ ભગવાનની મૂર્તિ અને મેળા વગેરે ઉપર લખાણ છે તે ૧૮મી ડીસેમ્બર ૧૮૫૪ના દિવસે Raixes દ્વારા લખાયેલ છે. Raixes લખે છે કે આ બધી માહિતી વીરાવાવના મહેતા (જૈન) નેન્સી અને સૂરજીએ આપેલ છે. જેઓએ મોરવાડાના છેલ્લા મેળા જોયા છે.
પ્રસ્તુત પુસ્તકમાં અપાયેલી માહિતી :
ગોડીજીની મૂર્તિ દોઢ ફૂટ ઊંચી છે.
ગોડીગામ વીરાવાવથી ૧૪ માઈલ દૂર વાયવ્ય ખૂણામાં આવેલું છે.
ઇ.સ. ૧૭૧૬ સુધી ગોડીજી ભગવાનની મૂર્તિ ગોડીગામના
મંદિરમાં હતી.