________________
તીર્થમાલા
હવે આગલી રાત્રે જ યક્ષે સ્વપ્ન આપ્યું હતું કે, “તું આ લગ્નમાં જઈશ નહિ. કદાચ જાય તો દૂધ પીઇશ નહિ અને ન્હવણનું જળ સાથે જરૂર લેતો જજે.' પરંતુ કાજળશાએ આવીને અતિ આગ્રહ કર્યો અને “તમે નહીં આવો તો મારો આખો પ્રસંગ બગડશે.” એ વસ્તુ પર ખૂબ ભાર મૂક્યો. એટલે મેઘાશા જવા માટે તૈયાર થયો. પરંતુ છેલ્લી ઘડીએ ધમાલ એવી થઈ કે તે પ્રભુજીનું હવણ લેવાનું ભૂલી ગયા.
અનુક્રમે તે બંને ભૂદેસર પહોંચ્યા અને લગ્ન પ્રસંગે સાથે જમવા બેઠા. તે વખતે પૂર્વ-સંકેત અનુસાર મેઘાશાને વિષ મિશ્રિત દૂધ પીરસવામાં આવ્યું. આજ વખતે તેને ચક્ષવાળી વાત યાદ આવી પણ ભાણામાં આવ્યું છે એવું ન મૂકવાનો નિયમ હોવાથી એ દૂધ પી ગયો અને થોડીવારમાં જ મૃત્યુ પામ્યો. | સર્વત્ર હાહાકાર વ્યાપી ગયો અને નક્કી કાજળશાએ દગો કર્યો એ વાત સહુના લક્ષમાં આવી ગઈ. એટલે લોકો તેને ધિક્કારવા લાગ્યા. આખરે કાજળશાએ ગોડીપુર આવી અધુરૂં રહેલું મંદિર પૂરું કરાવ્યું અને તેમાં પ્રભુજીને પધરાવ્યા. પછી ધ્વજા ચડાવવાનો વખત આવ્યો ત્યારે ધ્વજા ચડાવી પણ તે પડી ગઈ. કાજળશાએ ફરી ધ્વજા ચડાવી તો પણ એમ જ બન્યું. છેવટે ત્રીજીવાર પ્રયત્ન કર્યો તો પણ તેમાં સફળતા મળી નહિ. આથી તે સમજી ગયો કે આમાં નક્કી કાંઈક રહસ્ય છે અને તેથી તે ખૂબ ખેદ પામ્યો.
રાત્રીએ મેઘાશાના પુત્ર મેરાશાને યક્ષે સ્વપ્ન આપ્યું કે કાજળશા કાળા કામનો કરનાર છે. તેણે તારા બાપને માર્યો
