________________
૨૮
* તીર્થમાલા
શ્રી શંખેશ્વર પાસ ભેટ્યા, ભવભયના દૂખ દૂર મેટ્યા ! પૂજા વિવિધ પ્રકાર તો, જ્યો જ્યો ભાવ | ૨૨ II
ભાવાર્થ : “સમી” નામના ગામમાં મહાવીર પરમાત્મા તથા શામળા પાર્શ્વનાથ પરમાત્મા અને દાદાશ્રી શાન્તિનાથ પરમાત્માને ઘણા જ ઉલ્લાસ સાથે આ સંઘ ભેટ્યો. તથા ગામના સંઘ સાથે ઘણાં સ્તવનો ગાઈને ભક્તિની રમઝટ જમાવી. તથા વિહાર કરતાં કરતાં વચ્ચે વચ્ચે આવતા નાના નાના ગામોમાં પણ છે જે દહેરાસર હોય તે તે દેરાસરમાં માણસોનાં મન હરી લે તેવા સંગીત સાથે ઘણી ઘણી ભક્તિભાવના કરી. તે કાળે સર્વ જીવોને એમ લાગતું હતું કે “આજે તો કલ્પવૃક્ષ ફળ્યું” એટલો બધો સુરતનો સંઘ તથા સમી ગામનો સંઘ સાથે મળીને આનંદ વિભોર બન્યો હતો. એમ કરતાં કરતાં ભક્તિ ભાવના સાથે વિશાલ એવો સંઘ શ્રી શંખેશ્વર તીર્થધામમાં આવી પહોંચ્યો. સંઘના તમામ ભાઇ-બહેનો હૈયાના ઘણા જ ઉમંગ સાથે હસતા-કુદતા નાચતા ગાતા પરમાત્મા શ્રી પાર્શ્વનાથના મંદિરમાં આવ્યા અને શ્રી પાર્શ્વનાથ પરમાત્માને ભેટ્યા.
તે કાળે સર્વનાં હૈયાં હર્ષોલ્લાસથી એટલાં બધાં ગદ્ગદિત થયાં હતાં કે કોઈપણ શબ્દોથી વર્ણવી ન શકાય. તેવી ભક્તિભાવનામાં લયલીન થયાં. અર્થાત એકાકાર થયાં અને તેના દ્વારા ભવોભવના ભયોનાં દુઃખો દૂર કર્યા. (દુઃખોને મરડીને દૂર ફેંક્યાં.) ત્યારબાદ વિવિધ પ્રકારની
