________________
તીર્થમાલા
તે ગંધાર નામના નગરમાં દેરાસરના ભોંયરામાં પાર્શ્વનાથ પરમાત્માનાં સુંદર દેદીપ્યમાન એવાં ત્રણ પ્રતિમાજી અતિશય વધારે ઉંચાઇવાળાં હોવાથી એવાં તો તે પ્રતિમાજી શોભે છે કે જાણે નિરખ્યા જ કરીએ, નિરખ્યા જ કરીએ, સકલ સંઘે સાથે મળીને ઘણા જ ભાવપૂર્વક ચૈત્યવંદન આદિ વિધિ સાચવવા સાથે દર્શન-વંદન અને પૂજન કરીને ભક્તિરસમાં, તરબોળ થઈને સંસારમાં ભટકવાના જે ભવના ફેરાનો ભય હતો તેનો નાશ કરીને નિકટના ભવમાં મુક્તિગામી થવાનો મનમાં પાકો નિર્ણય કર્યો અને તેનાથી ઘણો જ આનંદ પ્રાપ્ત કર્યો.
૨૦
ત્યારબાદ તે સંઘના ભાઈઓ અને બહેનો તે ગંધારથી વિહાર કરી આઘા આવ્યા. (અર્થાત્ વિહાર કરીને બીજા ગામ તરફ આ સંઘ ચાલ્યો) ચાલતાં ચાલતાં કાવી’ નામના બંદરે આ સંઘ આવી પહોંચ્યો. કાવી ગામના જૈન મન્દિરમાં વીતરાગ પરમાત્માનાં બિંબોની પૂજા-ભક્તિ કરીને રાત્રિના સમયે ઘણી સુંદર ભાવના જમાવી. ઘણાં સ્તવનો ગાયાં, ડાંડીયા-રાસ લીધા અને પ્રભુભક્તિનો ઘણો જ આનંદ માણ્યો. તથા ભાવનામાં તરબોળ થયા.