________________
પ.પૂજ્ય દેવચંદ્રજી મહારાજ વિરચિત
एवं भूत नये निर्मळ सकळ स्वधर्म प्रकाश, पूरण पर्याय प्रगटे पूरण शक्ति विलास ॥ १० ॥
૧૪
ગાથાર્થ :- સમભિરૂઢનયથી આ આત્મા કર્મોના આવરણ વિનાનો છે. શુદ્ધ નિરાવરણ એવા કેવળજ્ઞાનાદિ મુખ્ય મુખ્ય ગુણોવાળો આ શુદ્ધ પદાર્થ છે. ક્ષાયિકભાવના અનંતજ્ઞાન - અનંતદર્શન અનંતચારિત્ર અને અનંતવીર્ય એમ ચારે ગુણોને ભોગવનારો તેમાં જ મુગ્ધ બનેલો આપણાથી કળી ન શકાય તેવા સ્વરૂપવાળો સમભિરૂઢથી આ આત્મા છે.
એવંભૂતનયથી અલ્પમાત્રાએ પણ જેમાં મેલ નથી તેવા પોતાના જ (ગુણ) ધર્મોના પ્રકાશથી ભરપૂર ભરેલો, તથા આવા જ ક્ષાયિકભાવના શુદ્ધસ્વરૂપાત્મક પર્યાયને પ્રગટ કરીને તેમાં જ પોતાની પુરેપુરી શક્તિનો વિલાસ કરનારો. આનંદ પામનારો આ જીવ નામનો પદાર્થ છે. || ૧૦ ||
વિવેચન :- આત્મા નામનો આ પદાર્થ સમભિરૂઢનયથી કેવો છે? તે સમજાવે છે કે :- કોઈ પણ જાતનાં આવરણો જેના ઉપર લાગેલાં નથી એવો નિરાવરણ, જે કેવલજ્ઞાન - કેવલદર્શન આદિ અનંત અનંત શુદ્ધ અને નિર્મળ ગુણો છે તે મુખ્ય ગુણોવાળું આ દ્રવ્ય છે પણ સામાન્ય આ દ્રવ્ય નથી. ધણું કિંમતી અને વિશિષ્ટતમ આ દ્રવ્ય છે.
તથા કર્મોનાં આવરણોનો સર્વથા ક્ષય થવાથી ક્ષાયિક ભાવની (જે ક્યારેય પણ ચાલ્યાં ન જાય તેવી) અનંત ચતુષ્ટયી એટલે કે અનંતજ્ઞાન, અનંતદર્શન, અનંતચારિત્ર અને અનંતવીર્ય આવા પ્રકારના અનંતના પ્રમાણવાળા ચાર મુખ્ય ગુણો છે જેમાં એવો અનંત ચતુષ્ટયીમય આ આત્મા છે.
આ ચાર આત્માના મુખ્યગુણોનો જ ઉપભોગ કરવામાં મુગ્ધ
