Jainism Course Part 04

SR No.: 006050
Original Sutra Author: N/A
Author: Maniprabhashreeji
Publisher: Adinath Rajendra Jain Shwetambara Pedhi
Publication Year: 2011
Total Pages: 222
Language: Gujarati
Classification: Book_Gujarati
File Size: 10 MB

Page 181

વગેરે ખેલ નહીં ખેલવા. તથા કેશ લાંબા વધારવા નહી. બુટ ચંપલનો ઉપયોગ નહીં કરવો. તેમજ રોજે ૫૦૦ ગાથાનો સ્વાધ્યાય કરવો.
આ નવ કલમોને જોતાં આપણે અંદાજ લગાવી શકીએ છીએ કે યતિ વર્ગની શિથિલતા કેટલી હદ સુધી પહોંચી હશેઃ આ વાત કોઈપણ વ્યક્તિ સરળતાથી જાણી શકે છે કે આટલા શિથિલ બનેલા યતિવર્ગને પુનઃ ઉપરોક્ત નિયમોનું પાલન કરાવવું કેટલું કઠિન હતું, એ પણ માત્ર એક વ્યક્તિથી આવું કાર્ય થવું એ કેટલું દુષ્કર છે. આ નવ કલમોથી ગુરુદેવના જીવનમાં સાધ્વાચાર તથા શાસનનો પ્રેમ સાફ ઝળકે છે.
આ બાજુ નવ કલમોની મંજૂરી પછી તરત જ ગુરુદેવશ્રીએ વિ.સં. ૧૯૨૫ આષાઢ માસની દસમીના દિવસે જાવરા નગરની ધન્ય ધરા પ૨ ૨૫૦ યતિઓની સાક્ષીમાં શ્રીપૂજ્યની છડી, છત્ર, ચામરાદિ બધા સાધન સામગ્રીઓનો ત્યાગ કરી એને જિનમંદિરમાં ભેટ કરી દીધા. તથા પુનઃ મહાવ્રતોને ગ્રહણ કરીને એકલા જ સ્વ-૫૨ કલ્યાણહેતુ એ વિરલ વિભૂતિએ ક્રિયોદ્ધાર કર્યો. એ સમયે યતિ ધનવિજયજી તેમજ યતિ પ્રમોદરુચિજીએ ગુરુદેવ પાસે ચારિત્ર ઉપસંપદા સ્વીકારી ક્રિયોદ્ધારમાં શામિલ થઈ ગયા. ત્યાર પછી ખાચરૌદના ચાતુર્માસમાં પંચાંગી સહિત ૪૫ આગમોનું ગહન ચિંતન-મનન કરી સિદ્ધાંત પ્રકાશ ગ્રંથની રચના કરી. એમાં સચોટ પ્રમાણ સહિત ત્રિસ્તુતિક મતાદિ અનેક આત્મકલ્યાણકારી શાસ્ત્રીય સિદ્ધાંતોને પ્રકાશમાં લાવ્યા; સ્વયંના જીવનમાં ઉતાર્યુ તથા નિડરતાપૂર્વક જન-જન સુધી સાચા માર્ગનું જ્ઞાન ફેલાવ્યું.
એના સિવાય પરમાત્માના શાસનમાં જ્ઞાનની પ્રધાનતામાં હોવાથી એમણે આ ક્ષેત્રમાં પણ પોતાની કલમ ચલાવી. વૃદ્ધાવસ્થામાં ૧૪ વર્ષના અથાગ પરિશ્રમના પછી ગુરુદેવે અતિભવ્ય એવા અભિધાન રાજેન્દ્રકોષની રચના કરી. ૧૦,૫૬૬ પાનાના આ કોષમાં કુલ ૮૦,૦૦૦ શબ્દ સંગ્રહિત છે. તથા કુલ ૪૫ આગમ સહિત ૯૭ મોટા-મોટા ગ્રંથોનો આધાર લીધેલ છે. આ કોશ પોતાની ગરિમાથી પૂરા વિશ્વમાં પ્રસિદ્ધિ પામ્યો. જેની ફલશ્રુતીરૂપે ગુરુદેવ વિશ્વ પૂજ્ય બન્યા.
જાલોરમાં ૭૦૦ તથા નિમ્બાહેડા, રતલામ, જાવરા વગેરેમાં હજારો સ્થાનકવાસીઓને પ્રતિમામાં ભગવાનનું સાક્ષાત્કાર કરાવીને મંદિરમાર્ગી બનાવ્યા. જાલોર, આહોર વગેરે કુલ ૧૦૦ ગામોમાં પ્રતિષ્ઠા તથા ૩૧૩૫ પ્રતિમાજીની અંજનશલાકા ગુરુદેવશ્રીના પાવન કરકમલો થી સાનંદ સંપન્ન થઈ.
એક ઝલક ગુરુદેવની જીવનચર્યા અને એમના ત્યાગ અને તપની તરફ -
♦ માંગી-તુંગી શિખર ઉપર કડકડતી ઠંડીમાં નિર્વસ્ત્ર રહીને ૬ મહિના સુધી તથા જાલોરના સ્વર્ણગિરિ તીર્થ ઉપર ધગધગતિ શીલા ઉપર આઠ મહિના સુધી જાપ અને કાયોત્સર્ગ દ્વારા ગુરુદેવે અટ્ઠાઈના પારણે અઢાઈનું ભીષણ તપ કર્યું હતું.
157