Page Text
________________
નવ કલમો લઈને સિદ્ધિશિલવિજયજી શ્રી પૂજ્ય ધરણેન્દ્રસૂરિજીની પાસે આવ્યા. શ્રી પૂજ્યજી તેમજ યતિઓ માટે નવ કલમોનું પાલન દુષ્કર હતું. પરંતુ યતિઓએ જ્યારે બધા રસ્તા બંધ જોયા ત્યારે સુધરવાના રસ્તે ચાલવામાં જ પોતાનું હિત લાગ્યું. શ્રી પૂજય ધરણેન્દ્રસૂરિજીને આ નવ કલમો અનુકૂળ લાગી. એમને લાગ્યું કે જો સત્તાનું નુકસાન થઈ રહ્યું હોય તો આ નવ કલમોનું પાલન કરવું જ હિતાવહ છે. નહીતર અમારું અસ્તિત્વ જ ખતમ થઈ જશે. આ રીતે વિચાર-વિમર્શ કરીને યતિ પૂજયશ્રી ધરણેન્દ્રસૂરિજીએ શ્રી રાજેન્દ્રસૂરિજીની આચાર્ય પદવીને પણ માન્ય કરી અને નવ કલમો ઉપર વિ.સં. ૧૯૨૫ની મહા સુદ સાતમે પોતાની સ્વીકૃતિના રૂપે હસ્તાક્ષર કરી આપ્યા. એ નવ કલમો આ પ્રકારે છેપહેલી: બંને સમય પ્રતિક્રમણ કરવું. શ્રાવક હોય તો એમની સાથે કરવું, નિત્ય યથાશક્તિ પચ્ચખાણ લેવું, વ્યાખ્યાન આપવું તેમજ સ્થાપનાચાર્યજીનું પ્રતિલેખન કરવું, સાધુના ઉપયોગી ૧૪ ઉપકરણોના સિવાય ઘરેણા અથવા મંત્ર-તંત્રાદિ કોઈપણ સામગ્રી પોતાની પાસે ન રાખવી. નિત્ય મંદિર જવું. બીજી ઘોડા-ગાડી વગેરે કોઈપણ પ્રકારની સવારીનો ઉપયોગ ન કરવો તેમજ સવારીનો ખર્ચ પણ પોતાની પાસે ન રાખવો. ત્રીજીઃ કોઈપણ પ્રકારના અસ્ત્ર, શસ્ત્ર ન રાખવા. ગૃહસ્થની પાસે રહેલા ઘરેણા, શસ્ત્ર, રૂપિયા, પૈસાનો સ્પર્શ નહીં કરવો. આ બધી વસ્તુઓ પોતાની પાસે ન રાખવી. ચોથી: એકાંતમાં સ્ત્રીઓની પાસે નહીં બેસવું, વેશ્યા તથા નપુંસક જાતિના વ્યક્તિઓને પોતાની પાસે ન બેસાડવા. પાંચમીઃ જે સાધુ (યતિ) તમાકુ, ગાંજા વગેરેનું સેવન કરતા હોય, રાત્રિભોજન કરતો હોય, કાંદા, લસણ તથા અભક્ષ્યનું ભક્ષણ કરતા હોય અને સ્ત્રીલંપટી તેમજ અપચ્ચખ્ખાણી એવા શિથિલાચારી હોય એવા સાધુને ગુણીયલ ચારિત્રવાન સાધુ પોતાની પાસે ન રાખે. છઠ્ઠી: સચિત્ત, લીલોતરી, વનસ્પતિ, કાચા પાણીની કોઈપણ પ્રકારે હિંસા કરવી નહીં, લીલોતરીને કાપવી નહીં, મંજન કરવું નહીં, તેલથી માલિશ ન કરવી, બાવડી, તળાવ, કુવાના સચિત્ત જળથી હાથપગ ધોવા નહીં. સાતમી થઈ શકે તો ઓછી સંખ્યામાં નોકર રાખવા, જીવહિંસા કરે એવા નોકર નહી રાખવા. આઠમી ગૃહસ્થને ડરાવી – ધમકાવીને એમની પાસેથી પૈસા ન લેવા. નવમી એવી પ્રરુપણા, એવો ઉપદેશ આપવો જેથી શ્રાવકોનું સમ્યક્ત્વ વિશુદ્ધ થાય, એમના ભાવ બગડે તેવી કોઈપણ પ્રકારની પ્રપણા નહીં કરવી. રાત્રે ઉપાશ્રયથી બહાર ન જવું. ચૌપટ, શતરંજ
| SR No. | 006050 |
| Book Title | Jainism Course Part 04 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 222 |
| Language | Gujarati |
| Classification | Book_Gujarati |
| File Size | 10 MB |