Jainism Course Part 04

SR No.: 006050
Original Sutra Author: N/A
Author: Maniprabhashreeji
Publisher: Adinath Rajendra Jain Shwetambara Pedhi
Publication Year: 2011
Total Pages: 222
Language: Gujarati
Classification: Book_Gujarati
File Size: 10 MB

Page 105

કોળીયો તારા મોઢામાં નાંખતી હતી અને આજે તું એ ઘરમાં એવું વાતાવરણ ઉભું કરીને આવ્યો છે કે એમના ગળેથી એક કોળીયો પણ નથી ઉતરતો. વિનય એ દિવસ તો તને યાદ રહેવો જ જોઈએ કે
જ્યારે તે લિફ્ટમાં હાથ નાખ્યો અને લિફ્ટ ચાલુ થઈ ગઈ ત્યારે વિવેકે પોતાના હાથની પરવા કર્યા વગર તારો હાથ બહાર કાઢયો. એ ઘાનું નિશાન આજે પણ એમના હાથમાં મોજૂદ છે. વિનય એ ઘા તો ભરાઈ ગયો. પરંતુ તું એમના દિલમાં જે ઘા કરીને આવ્યો છે એનું શું? ગ્રેટ વિનય ગ્રેટ સારો બદલો ચુકાવ્યો તે એ બધાનો.
બાળપણથી લઈને આજ સુધી તારી કઈ ઇચ્છાને માતા-પિતાએ પૂરી નથી કરી વિનય? આજે તમારી પરિસ્થિતિ સારી બની ગઈ તો એ બધા દુઃખના દિવસોને તું ભૂલી ગયો. તારા માતા| પિતાની એ બધી મેહનતને તું ભૂલી ગયો. કેટલા દુ:ખોને સહન કરીને એમણે પાઈ-પાઈ જોડી હતી. હું તને પૂછું છું કે આજસુધી તું કેટલા પૈસા કમાયો છે કે તું એમની સામે ભાગલાની વાત કરી રહ્યો છે. પોતાના પપ્પાની પાસે પોતાનો ભાગ માંગતાં તને શરમ નહીં આવી?
માતા-પિતાના ઉપકારોથી, ઋણથી મુક્ત થવું કેટલું કઠિન છે, આ જ વાતને સ્પષ્ટ કરતાં સ્થાનાંગ સૂત્રમાં લખ્યું છે કે જો પુત્ર ઉત્કૃષ્ટ રીતે માતા-પિતાની સેવા કરે. એમને બધી પ્રકારની અનુકૂળતા પ્રદાન કરે, એમને એકદમ સુખી રાખે તો પણ એ પોતાના માઁ-બાપના ઉપકારોથી ઋણમુક્ત નથી થઈ શકતો. સ્થાનાંગ સૂત્રના ત્રીજા સ્થાનકમાં લખ્યું છે કે એકવાર એક શિષ્યએ પોતાના ગુરુને પૂછ્યું “શું કોઈ દિકરો માતા-પિતાના ઉપકારોથી ક્યારેય મુક્ત થઈ શકે છે કે નહીં?” ગુરુએ કહ્યું - “હાઁ માત્ર એક કાર્ય કરવાથી એ પોતાના માતા-પિતાના ઋણોથી મુક્ત થઈ શકે છે. અને એ છે કે પોતાના માતા-પિતાને ધર્મના માર્ગે લઈ જાય. જે પુત્ર પોતાના માતા-પિતાને પરમાત્મા દ્વારા બતાવવામાં આવેલા ધર્મ પથ ઉપર લઈ જાય છે એજ એમના ઉપકારોથી મુક્ત થાય છે. નહીં તો આખી જીંદગી એ પોતાના માતા-પિતાની સેવા કરે, એમને કોઈપણ વસ્તુ માટે કોઈના મોહતાજ ન થવું પડે, એ રીતે એમની સાર-સંભાળ કરે, એમના મનની બધી ઈચ્છાઓ પૂરી કરે. આટલું જ નહીં, પોતાની ચામડી ઉતારીને એના જૂતા બનાવીને, પોતાના માતા-પિતાના પગમાં પહેરાવે, છતાં પણ એ મૌબાપના ઉપકારોથી મુક્ત નથી થઈ શકતો. વિનયઃ (રડતા-રડતા) બસ ભાભી બસ! મારાથી હવે સાંભળી શકાતું નથી. પોતાના માતા-પિતાને ઠુકરાવીને મેં બહું મોટી ભૂલ કરી છે. પરંતુ ભાભી... મોક્ષાઃ પરંતુ શું?
જિક