Page Text
________________
એને ભરપૂર પ્રેમ આપ્યો. પુત્રીના જન્મની ખબર દિવ્યાના સાસરે આપી. તરત જયણા પોતાના પતિ અને પુત્રની સાથે દિવ્યાને મળવા હોસ્પિટલમાં પહોંચી ગયા.
જયણાએ દિવ્યાને માતાના દૂધની મહત્તા, સમજાવતાં કહ્યું જયણાઃ “માતાના અડધા લિટર જેટલી દૂધની તાકાત ડેરીના સો લિટર દૂધમાં પણ નથી હોતી. સ્તનપાન કરાવવાવાળી માતા જો એ સમયે પ્રસન્ન હોય તો બાળકના તન અને મનનો વિકાસ સારો થાય છે. અને સ્તનપાન કરાવતા સમયે માં જો ભયંકર ક્રોધમાં હોય તો એ દૂધ પણ ઝેર બની જાય છે.”
માઁ ના દૂધનું કેટલું મહત્ત્વ છે સાંભળ – મિત્ર દેશની રાણીએ યુદ્ધમાં રાજકુમારની પાસે સેનાની મદદ માંગી. રાજકુમાર રાજમાતાને આ વિષયમાં પૂછવા આવ્યો. રાજમાતાએ કહ્યું “તું મને પૂછવા જ કેમ આવ્યો? તારે તો તરત એમની મદદ માટે દોડવું જોઈતું હતું. આવો વિચાર કરવાવાળી રાજમાતાએ ઉદાસીભરેલા સ્વરમાં કહ્યું કે “જ્યારે તું નાનો હતો ત્યારે એકવાર તને હું દાસીને સોંપીને હું હોજમાં સ્નાન કરવા ગઈ. એકાએક તું રડવા લાગ્યો, તો દાસીએ તને ભૂખ લાગી છે, એમ સમજીને પોતાનું સ્તનપાન કરાવ્યું. અચાનક મારી નજર એની તરફ ગઈ. હું હોજમાંથી બહાર આવી. મેં તને ઉલ્ટો કરી તારા મોઢામાં આંગળી નાંખી. અને દૂધની ઉલ્ટી કરાવી. પરંતુ હવે તારી આ કાયર ક્રિયા જોઈને મને એવું લાગે છે કે કમ સે કમ આઠ-દસ ટીપાં દાસીનું દૂધ તારા પેટમાં રહી જ ગયું હશે. નહીંતર તું આવું ક્યારેય ન કરત.”
આર્યદેશની સન્નારી માતા પોતાની સંતાનને ક્યારેય પણ સ્તનપાન સિવાય બીજું દૂધ આપતી નહતી અને દાસી વગેરેનું દૂધ પણ પીવા દેતી ન હતી. કેમકે આવું કરવાથી બાળક શરીરથી દુર્બલ અને મનથી કંગાલ બની શકે છે. એટલા માટે વર્તમાનમાં પાશ્ચાત્ય સંસ્કૃતિની આંધળી દોડમાં દોડી રહેલી સર્વે માતાઓ! પોતાના દૂધની કિંમત જાણીને પોતાના સંતાનને સ્તનપાન કરાવવાથી વંચિત ન રાખવી.
પોતાના સાસુમાઁ પાસેથી મળેલી શીખના અનુસારે દિવ્યા પ્રસન્ન મનથી પોતાની દિકરીને સમયે-સમયે સ્તનપાન કરાવતી. પરંતુ બોટલનું દૂધ ક્યારેય નહી પીવડાવ્યું. મોક્ષાએ પોતાની ભત્રીજીનું નામ “ક્ષમા” આપ્યું. મોટી થતી ક્ષમાને સંસ્કારી બનાવવા માટે દિવ્યા વિશેષ સાવધાન રહેવા લાગી. પોતાની પુત્રીને સંસ્કારી બનાવવા માટે જેમણે પોતાના પુત્રને સંસ્કાર આપવામાં કોઈ કમી રાખી નહતી. એવી ઘણી મહાન સંસ્કારદાત્રી માતાઓને એને પોતાની આદર્શ બનાવી હતી. - અતિમુક્તક (અઈમુત્તામુનિ)ની માતા. જેમણે છ વર્ષની ઉંમરમાં પોતાના દિકરાને દીક્ષા અપાવી.
જેથી નવ વર્ષની ઉંમરમાં દિકરાને કેવળજ્ઞાન થયું.
| SR No. | 006049 |
| Book Title | Jainism Course Part 03 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 230 |
| Language | Gujarati |
| Classification | Book_Gujarati |
| File Size | 12 MB |