Page Text
________________
તમે જાણો જ છો. માત્ર મારી જ નહી પણ લગભગ બધા દંપતિઓની આ સમસ્યા છે. પણ પ્રશ્ન તો એ છે કે સગાઈના સમયમાં રહેલો પ્રેમ લગ્ન પછી કેમ ઘટી જાય છે ? લગ્નના પહેલાં તો સંબંધ માત્ર વાતો સુધી જ રહે છે. પરંતુ લગ્ન પછી તો સાથે-સાથે રહીએ છીએ, એકબીજાના ઉપયોગી બને છે, એક-બીજાનું ઘર પરિવાર સંભાળીએ છીએ. તો પછી પ્રેમ વધવાને બદલે ઘટે કેમ છે ? નવી દુલ્હનના હાથમાંથી મહેંદીનો રંગ ઉતર્યા પહેલા એકબીજાના પ્રેમનો રંગ ઉતરવા લાગે છે. આવું જ કંઈક મેં પોતાના જીવનમાં પણ અનુભવ કર્યો છે. ભાભી આ બધાની પાછળ શું રહસ્ય છે ?
મોક્ષા ઃ વિધિ ! તારો પ્રશ્ન પણ છગન અને લીલીના જીવનના અનુરૂપ છે. હું તને એક બહુ જ રોચક કહાણી સંભળાવું છું. છગન અને લીલીને એકબીજા સાથે પ્રેમ થઈ ગયો. બંને બગીચામાં ફરવા ગયા. બગીચાના સોહામણા વાતાવરણની બંને મજા લઈ રહ્યા હતા. એટલામાં છગને રસ્તામાં કાંટા જોયા ત્યારે એણે કહ્યું, ‘‘અરે, લીલી ઉભી રહે ! આ કાંટા તને ક્યાંક લાગી ન જાય.” એવું કહીને છગને પોતે એ કાંટા હટાવ્યા. સમય વ્યતીત થયો અને એ બંનેના લગ્ન થયા. કેટલાક દિવસો પછી તે પાછા એજ બગીચામાં ફરવા ગયા. ફરતાં-ફરતાં પાછા એજ કાંટાવાળા રસ્તે પહોંચી ગયા. ત્યારે છગને કહ્યું. ‘‘લીલી ધ્યાન રાખજે આગળ કાંટા છે.’’
કેટલાક વર્ષો પછી લીલી માઁ બની અને બાળકની સાથે તે લોકો ફરીથી એજ બગીચામાં એજ રસ્તેથી નીકળ્યા. અચાનક કાંટો લીલીના પગને ચૂભ્યો આથી એ ચીલ્લાઈ, ત્યારે ગુસ્સામાં આવીને છગને કહ્યું. ‘‘આંધળી છે, દેખતી નથી કે શું ?’’ આ કહાણી ભલેને હાસ્યાસ્પદ છે પરંતુ એની પાછળ બહુ મોટું રહસ્ય છુપાયેલું છે. અને તે એ છે કે લગ્નના પહેલા પ્રેમ કલરફૂલ હોય છે. લગ્ન પછી બ્લેક એન્ડ વ્હાઈટ અને બાળક થયા પછી તો પિક્ચર જ નથી રહેતું.
વિધિ : ભાભી ! તમે જે વાતો બતાવી તે સો ટકા સાચી છે. પરંતુ આ બધાની પાછળ રહસ્ય શું છે ? અને આ સમસ્યાઓને કેવી રીતે ઉકેલી શકાય ?
મોક્ષા : ધીરજ રાખ બતાવું છું જો વિધિ ! આમ તો સમસ્યાના ઘણાય કારણ છે પરંતુ એમાં મુખ્ય કારણ છે કોમ્પિટીશન, અહં તથા ભૂલ જોવાની દૃષ્ટિ. વિધિ ! પહેલાંના જમાનામાં છૂટાછેડાના કેસો નહીવત્ હતા. તે હવે ધીમે-ધીમે એ હદ સુધી વધી ગયા છે કે મહેંદીનો રંગ ન ઉતરે એના પહેલા તો છૂટાછેડા થઈ જાય છે. એનું એક કારણ છે પરસ્પર કોમ્પિટીશનની ભાવના પહેલા પુરુષના કાર્યક્ષેત્ર અલગ હતા અને સ્ત્રીનું કાર્યક્ષેત્ર અલગ હતું. લગભગ પુરુષ બહારના કામ સંભાળતા હતા. પછી એ બહારનું કોઈપણ કામ હોય ચાહે એ ધંધો કરવાનું હોય કે ધાન્ય ખરીદવાનું હોય, ચાહે ઘરેણાં ખરીદવાનું હોય કે શાકભાજી લાવવી હોય, બધું પુરુષ જ કરતા હતા, ત્યારે સ્ત્રીઓ ઘર સંભાળતી હતી.
171
| SR No. | 006049 |
| Book Title | Jainism Course Part 03 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 230 |
| Language | Gujarati |
| Classification | Book_Gujarati |
| File Size | 12 MB |