Page Text
________________
કારણે એમની તબિયતનો કોઈ ભરોસો નથી. આખો દિવસ તો કંઈ નહી આપણે સાથે જ હોઈએ છીએ પણ રાત્રે એમને કોઈ વસ્તુની જરૂર પડે તો? માટે મેં વિચાર્યું છે કે, જ્યાં સુધી પિતાજીની તબિયત ઠીક ન થઈ જાય ત્યાં સુધી આપણે બ્રહ્મચર્ય વ્રતનું પાલન કરી પિતાજીની પાસે સૂઈ જઈશુ.” નિર્મળાની વાત સાંભળીને નિખિલની આંખોમાં આંસુ આવી ગયા. એ કશું બોલી ન શક્યો. વિધિ ! આગળના જીવનમાં નિર્મળાને પોતાના પતિનો કેટલો પ્રેમ અને પોતાના સસરાના કેટલા આશીર્વાદ મળ્યા હશે એ કહેવાની જરૂર નથી. વિધિ વિચાર, પોતાના કર્તવ્યને નિભાવવા માટે જો નિર્મળાએ કેટલું મોટું બલિદાન આપી દીધું. તો શું તું પોતાના સાસુ-સસરાની સેવા માટે કિટી પાર્ટી વગેરે નાનીનાની વસ્તુઓનું બલિદાન ન આપી શકે. જો તું પણ પોતાના કર્તવ્યોનું પાલન કરત તો કદાચ પોતાના સાસુ-સસરા અને દક્ષના હૃદયથી દૂર ન થાત. સંયુક્ત કુટુંબથી અલગ થઈને તે જે તકલીફો પોતાના હાથે ઉભી કરી છે તેનાથી પણ બચી જાત. વિધિઃ કેવી તકલીફો ભાભી? મોક્ષાઃ એક તકલીફ તો તું પ્રત્યક્ષ જ જોઈ રહી છે કે દક્ષથી ઝઘડવાને કારણે તારું મન હંમેશા ચિંતિત રહે છે. અને બીજુ જેનું સમાધાન તું મારી પાસે લેવા આવી છે. વિધિઃ ભાભી આ તકલીફ કંઈ સંયુક્ત કુટુંબથી અલગ થવાને કારણે થોડીને થઈ છે. મોક્ષા વિધિ ! તું કદાચ હજુ સુધી મારા કહેવાનો આશય નથી સમજી શકી. જો, પોતાના સાસુસસરાથી અલગ થવાનું જે નુકસાન થયું છે આજે એ નુકસાન તારી સમજની બહાર છે. જો એ નુકસાન તને ખબર હોત તો તું ક્યારેય આવું ખોટું પગલું ન ભરત. ચાલ હું જ બતાવું છું કે તે શું ખોયું અને શું મેળવ્યું? (એવું કહીને જૈનિજમના ત્રીજા ખંડમાં જયણાએ જે હિતશિક્ષા મોક્ષાને આપી હતી એ જ હિતશિક્ષા મોક્ષા પણ વિધિને આપે છે. હિતશિક્ષા સાંભળીને –). વિધિઃ (રડતાં) સાચે હવે મને પોતાના કર્યા ઉપર બહુ જ પસ્તાવો થઈ રહ્યો છે. ભાભી હવે તો હું પોતાની ભૂલોની માફી માંગવાને પણ લાયક નથી રહી. મમ્મી-પપ્પાથી અલગ થયા પછી આજ સુધી હું તેમને મળવા પણ નથી ગઈ. મેં પોતાના પગ ઉપર કુહાડી મારવા જેવું કામ કર્યું છે. હું એમની પાસે કયા મોઢે માફી માગીશ? મોક્ષાઃ કંઈ વાંધો નહી. જ્યારે જાગો ત્યારે સવાર. તને પોતાના કર્યા ઉપર પસ્તાવો થઈ રહ્યો છે એ જ બહુ મોટી વાત છે વિધિ: પણ ભાભી ! મારા અને દક્ષની વચ્ચે જે ટકરાવ છે, એને સુલજાવ્યા વિના, મમ્મી પપ્પાને પણ બોલાવીને શું ફાયદો? ભાભી! લગ્નના પહેલા મારા અને દક્ષના સંબંધ કેટલા સારા હતા એ તો
| SR No. | 006049 |
| Book Title | Jainism Course Part 03 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 230 |
| Language | Gujarati |
| Classification | Book_Gujarati |
| File Size | 12 MB |