Page Text
________________
(આટલું કહેતાં જ દક્ષ રૂમમાંથી તકિયો લઈને હૉલમાં જઈને ભૂખ્યો જ સૂઈ ગયો. વિધિ પણ ગુસ્સામાં આવીને રૂમમાં સૂઈ ગઈ. આ ઘટના પછી વિધિ અને દક્ષની વચ્ચે ચાર દિવસ સુધી કોઈ વાતચીત ન થઈ. કેટલાક દિવસ પછી વિધિનો જન્મદિવસ આવ્યો. ત્યારે બગડી ગયેલા સંબંધોને સુધારવાની ઇચ્છાથી દક્ષ વિધિને માટે એક સોનાની અંગુઠી, એના મનપસંદ કલરની સાડી અને સાથે જ બજારમાંથી કેક અને આઈસ્ક્રીમ પણ લઈને આવ્યો. વિધિને તો એટલી પણ અપેક્ષા નહતી કે દક્ષ એને જન્મ દિવસ ઉપર વિશ પણ કરશે. પણ દક્ષ દ્વારા લાવવામાં આવેલા આટલા બધા ગીફટ જોઈને વિધિ બહુ ખુશ થઈ ગઈ અને જન્મદિવસના નિમિત્તે એના જીવનમાં પણ પાછી ખુશીઓ આવવા લાગી. આ ખુશીઓમાં વધારે વધારો તો ત્યારે થયો જ્યારે વિધિને ડૉ. પાસેથી સમાચાર મળ્યા કે એ માઁ બનવાની છે. એથી દક્ષ અને એના માતા-પિતા પણ બહુ ખુશ થઈ ગયા.
આ વાતને વીત્યે હજુ એક મહિનો પણ નથી થયો કે એમના હસતા-રમતા જીવનમાં કોઈની નજર લાગી ગઈ. એક દિવસ - દક્ષ વિધિ ! આ ફાઈલ્સ તે ઠીક કરી છે? વિધિઃ હાં, બહુ જ અસ્ત-વ્યસ્ત પડી હતી. તો મેં ઠીક કરી લીધી. દક્ષઃ એમાં બહું જ ઇમ્પોર્ટન્ટ પેપર હતો. તે ક્યાં છે? વિધિઃ દક્ષ ! મેં થોડો કંઈ લીધો છે. અહીયાં જ પડ્યો હશે. દક્ષઃ (થોડોક ગુસ્સામાં) વિધિ ! બે કલાકથી હું શોધી રહ્યો છું, પણ મને મળ્યો નથી. કોણે કહ્યું હતું તને મારી વસ્તુઓને હાથ લગાવવાનું? આજે જો એ પેપર ખોવાઈ ગયું તો ખબર છે તને કે મને કેટલું નુકશાન થશે? વિધિઃ દક્ષ ! તમે તો એવી રીતે બોલી રહ્યા છો કે હું તમારી ચીજોને ક્યારેય હાથ જ નથી લગાડતી. અને જો પોતાની વસ્તુઓનો એટલો બધો ખ્યાલ હોય તો પોતે જ થોડું વ્યવસ્થિત રાખવાનું કરો. જેથી મારે હાથ લગાડવાની જરૂર જ ન પડે. અને આમ પણ આજ સુધી એવી તમારી કઈ વસ્તુ છે, જે તમારે શોધવી પડી છે? આજે એક પેપર શું ખોવાઈ ગયું આખું ઘર માથે લઈ લીધું છે. દક્ષ ચૂપ રહે વિધિ ! તારી આ બકવાસ બંધ કર. અને પેપર શોધ. (દક્ષ અને વિધિ બંને પેપર શોધવા લાગ્યા, અને શોધતાં શોધતાં દક્ષ મનમાં ને મનમાં બોલવા લાગ્યો, ખબર નહીં ક્યાં મૂક્યો છે, મળતો જ નથી.) વિધિઃ બસ-બસ! હવે મનમાં ને મનમાં મને ગાળો આપવાનું બંધ કરો. દક્ષઃ તારા આ શંકાળુ સ્વભાવને કારણે જ તો મમ્મી પપ્પાની આવી સ્થિતિ છે કે ઘર હોવા છતાં પણ એમને કૉટેજમાં જઈને રહેવું પડે છે.
| SR No. | 006049 |
| Book Title | Jainism Course Part 03 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 230 |
| Language | Gujarati |
| Classification | Book_Gujarati |
| File Size | 12 MB |