Page Text
________________
ડૉલીને ઘરે લઈ આવવાની પોતાની ઇચ્છા પણ બતાવી. સુષમાની વાત સાંભળીને એકવાર તો આદિત્યની આંખોમાં પણ આસું આવી ગયા. પરંતુ જ્યારે સુષમાએ એને ઘરે લાવવાની વાત કરી ત્યારે આદિત્યને ગુસ્સો આવી ગયો અને જોરથી....) આદિત્ય: ખબરદાર સુષમા ! જેને માટે આપણે પોતાની બધી ખુશીઓને છોડી હતી, એજ ડૉલી મને મોતના મુખમાં છોડીને ચાલી ગઈ. એક મુસલમાન છોકરાની સાથે ભાગીને જતી વખતે એને એટલો પણ ખ્યાલ ન આવ્યો કે એના માં-બાપની સમાજમાં કેટલી ઇજ્જત છે. તેઓ મારા ગયા પછી લોકોને પોતાનું મોટું કેવી રીતે બતાવશે? સુષમા હવેથી જો તે ડૉલીને આ ઘરમાં લાવવાની વાત કરી કે એની સાથે ફોન પર વાત કરી કે મળવાની કોશિશ કરી તો મારું મરેલું મોટું જોઈશ.
(આટલું કહેતાં જ આદિત્યની છાતીમાં જોરથી ઝાટકો લાગ્યો, અને એની છાતીમાં દર્દ થવા લાગ્યું. આદિત્યની આવી હાલત જોઈને સુષમાએ વિચાર્યું કે ડૉલીનું નામ લેવાથી એમની આ હાલત થઈ છે તો ડૉલી ઘરે આવશે ત્યારે એમનું શું થશે? આ વિચારીને જ સુષમાએ ડૉલીને ઘરે લાવવાનો વિચાર છોડી દીધો. પરંતુ આખરે માઁ નું દિલ હતું માટે તે આદિત્યને કહ્યા વિના જ ડૉલીને મળવા હોસ્પિટલ ચાલી ગઈ. એ સમયે ડૉલી સૂતેલી હતી. સુષમા એની પાસે ગઈ. ડૉલીની આવી હાલત જોઈને સુષમાની આંખોમાં આંસુ આવી ગયા. જેવો સુષમાએ પોતાનો વાત્સલ્ય ભર્યો હાથ ડૉલીના માથા ઉપર ફેરવ્યો તરત જ ડૉલી જાગી ગઈ. પોતાની મૉમ ને પોતાની પાસે જોઈને ડૉલીની આંખોમાં આંસુ આવી ગયા. એણે પોતાની મૉમ નો હાથ પકડી લીધો અને રડતાં-રડતાં.... ડૉલીઃ મને ખબર હતી મૉમ કે આપ મને લેવા આવશો. (બિચારી સુષમા ! પોતાની દિકરીના આ પ્રશ્નનો જવાબ અને આદિત્યનો ફેંસલો કેવી રીતે સંભળાવતી?) ડૉલીઃ મૉમ! કંઈક બોલોને તમે ચુપ કેમ ઉભા છો? સુષમા મને માફ કરી દે બેટા ! તારા પપ્પાએ તને સ્વીકારવાની ના પાડી દીધી છે.
(અને આવું કહીને આદિત્ય સાથે થયેલી બધી વાત સુષમાએ ડૉલીને બતાવી દીધી. આ સાંભળતાં જ ડૉલીના અરમાન તૂટીને ચકનાચૂર થઈ ગયા. એણે વિચાર્યું હતું કે હવે એને ફરીથી પાછા એ નરકમાં નહી જવું પડે. આરામથી પોતાના ઘરે જઈશ અને ફરીથી નવી જીંદગી શરૂ કરીશ. પોતાનું નવું કેરીયર બનાવીશ. પરંતુ ડૉલીના ભાગ્યમાં તો કંઈક બીજું જ લખ્યું હતું. ડૉલીએ પોતાની માઁ પાસે બહુ જ પ્રાર્થના કરી પરંતુ આખરે સુષમા પણ શું કરે ?) સુષમાઃ ડૉલી તારા ગયા પછી અમારું ઘરથી બહાર નીકળવું મુશ્કેલ થઈ ગયું હતું અને ઉપરથી તારી વાત તારા પપ્પાને બતાવી ત્યારથી એમનું B.P નોર્મલ થતું જ નથી, આખરે તેઓ પણ તો એક બાપ છે. તું એમની હાલત જોઈશ તો તું ખુદ પોતાની જાતને ધિક્કારીશ. કદાચ તને ઘરે પાછા લાવ્યા પછી
| SR No. | 006049 |
| Book Title | Jainism Course Part 03 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 230 |
| Language | Gujarati |
| Classification | Book_Gujarati |
| File Size | 12 MB |