________________
મેથીની ભાજીમાં બહુ જ નાની (સૂક્ષ્મ) કેસરી રંગની ઇયળો હોય છે. છાલણીથી છાળવાથી એની જયણા કરી શકાય છે.
ગેસ-સ્ટોવનો ઉપયોગ કરવા પહેલા એને પૂંજણીથી પૂંજી લેવો.
ગરમ પાણીમાં ઠંડા પાણીને ભેગું કરવું નહી.
ફટાકડા ક્યારેય ફોડવા નહી.
ઘાસ ઉપર ચાલવું નહી.
વનસ્પતિના પત્તા વગેરે તોડવા નહી.
ગર્ભપાત કરાવવો નહી અને આવી હિંસક સલાહ આપવી નહીં અને આવી કુપ્રવૃત્તિઓનું દવાખાનું પણ ચલાવવું નહી.
રસોઈ બનાવતા પહેલા લોટ-ધાન્ય વગેરેને છાળણીથી છાળીને જોયા પછી ઉપયોગમાં લેવું. પર્વતિથિ અને ૬ અઠ્ઠાઈઓના દિવસોમાં અનાજ પીસાવવું નહી.
ખાલી વાસણ વગેરેને ઉલ્ટા કે ઉભા રાખવા જેથી એમાં જીવ-જંતુ પડે તો ગભરાઈ ન જાય. · ટેબલ, પલંગ વગેરે કોઈ સામાન જમીનથી ઘસડીને ન ખેંચતાં ઉંચકીને રાખવું. કબાટ, બેગ, ડબ્બા વગેરે અડધા ખુલ્લાં ન રાખવા, એને બરાબર બંધ કરવા.
કીડીઓ નીકળે તો એ જગ્યાની આજુ-બાજુ રાખ કે ચુનો છાંટી દેવો, જેથી કીડીઓ જતી રહેશે. હરતાં-ફરતાં એ વાતનો ખ્યાલ રાખવો કે ક્યાંય કોઈ કીડી પગ નીચે દબાઈને મરી ન જાય. લાલ રંગના બોર, મરચાં વગેરેમાં એ જ રંગનાં બહુ જ જીવો હોવાની સંભાવના છે. માટે ચોક્સાઈપૂર્વક ઉપયોગમાં લેવું.
રસોઈઘરમાં લાઈટને ચૂલાની ઉપર ન રાખવી. લાઈટની આસ-પાસ ઉડતા જીવો ચૂલા ઉપર તથા તપેલીમાં પડીને મરી જાય છે.
દહીં-છાસને બે રાત પછી ઉપયોગમાં ન લેવું.
વાસી માવાની મિઠાઈનો ઉપયોગ ન કરવો. તાજો માવો પણ જો પૂર્ણ રીતે સેકીને લાલ ન કર્યો હોય તો એ પણ બીજા દિવસે વાસી બની જાય છે. સફેદ માવો એક રાતના ઉપરાંત વાસી થાય છે. મધ-માખણ વગેરે અભક્ષ્ય છે. એને ખાવાથી પુષ્કળ વિકલેન્દ્રિય જીવોનું ભક્ષણ તેમજ હિંસા થાય છે. માટે એનો ત્યાગ કરવો.
શરીરના ખુલ્લા ભાગમાં જો ખુજલી આવે તો, ખણ્યા પહેલા જોવું, કે કોઈ જીવ તો બેઠો નથી ને. પીઠ વગેરે જ્યાં દૃષ્ટિ ન પહોંચે ત્યાં રૂમાલ ફે૨વી લેવો.
139
