Jainism Course Part 02

SR No.: 006048
Original Sutra Author: N/A
Author: Maniprabhashreeji
Publisher: Adinath Rajendra Jain Shwetambara Pedhi
Publication Year: 2011
Total Pages: 198
Language: Gujarati
Classification: Book_Gujarati
File Size: 10 MB

Page 85

(આ પ્રમાણે ૧૦-૧૧ મહિના હરવા ફરવામાં જ વીતી ગયા. એક દિવસ પીક્સર જોયા પછી ડૉલી અને સમીર ઘરે આવી રહ્યા હતા. ત્યારે કોઈ શોપીંગ મૉલમાં ડૉલીએ એક સુંદરડ્રેસ જોયો. ડૉલીએ સમીરને તે પ્રેસ ખરીદવા માટે દબાણ કર્યું પણ મોડું થયું હોવાના કારણે સમીર ડૉલીને ત્યાંથી લઈ ગયો. આ ગાળામાં થોડા દિવસો પછી ડૉલીનો બર્થ-ડે આવવાનો હતો. ડૉલીને બતાવ્યા વગર સમીરે તેના માટે સરપ્રાઈઝ પાર્ટી આયોજન કરવાની યોજના બનાવી અને જોતજોતામાં જન્મ દિવસ પણ આવી ગયો. સવારે ઉઠતા જ ડૉલીને પોતાના રૂમનો દેખાવ કંઈક અલગ જ લાગ્યો. ત્યારે હાથમાં ફૂલોનો ગુલદસ્તો લઈને સમીર આવ્યો. ડૉલીને તો કંઈ સમજાયું જ નહીં કે આ બધું શું છે?) સમીર : હેપ્પી બર્થડે ટુ યું, હેપ્પી બર્થ ડે ટુ ડીયર ડૉલી ! હેપ્પી બર્થડે ટુ યુ (આટલું કહીને તેણે ગુલદસ્તો ડૉલીને આપ્યો.) ડૉલી: સમીર ! આજે મારો જન્મદિવસ છે. હું તો ભૂલી જ ગઈ હતી. સમીર મને માનવામાં જ નથી આવતું કે તમને મારો જન્મદિવસ યાદ છે. અને હું પોતે ભૂલી ગઈ. આ બધુ તમે મારા માટે કર્યું. થેંક્સ સમીર ! તમે મને કેટલો પ્રેમ કરો છો. સમીરઃ અરે ડૉલી! હું તારો જન્મદિવસ યાદ નહીં રાખું તો કોણ રાખશે? તું જ તો મારું જીવન છે. (સવારે ઉઠતાં જ મળેલી આ સરપ્રાઈઝથી ડૉલીની ખુશીનો કોઈ પાર નહોતો)
(પોતાના સુખી જીવનની કલ્પનાઓમાં ડૂબેલી ડૉલી તૈયાર થઈ અને તે બંને ઘરે આવ્યા. ઘરમાં પગ મૂકતાં જ શબાના અને સમીરની ત્રણેય બહેનોએ પણ એને વીશ કરી ભેટ આપી. શબાનાએ ડૉલીનો મનપસંદ ગાજરનો હલવો બનાવીને એને પોતાના હાથે ખવડાવ્યો. બધાનો આટલો પ્રેમ જોઈને ડૉલીની આંખોમાં આંસુ આવી ગયા. આટલું બધુ થઈ ગયા પછી તો હવે ડૉલીના મનમાં પોતાના માતા-પિતા પ્રત્યે નફરત પણ વધારે જ વધતી ગઈ. તેને એવું લાગ્યું કે જયણા અને મોક્ષાના લેક્યર સાંભળીને એણે ફોગટમાં પોતાનો સમય બરબાદ કર્યો. ડૉલીને વિશ્વાસ થઈ ગયો કે સમીરની સાથે લગ્ન કરવાનો તેનો નિર્ણય સાચો જ હતો. તેને જયણા અને મોક્ષાની વાતો અને એમના વિચારો ઉપર હસવું આવવા લાગ્યું. સાંજે સમીર ડૉલીને હોટલમાં લઈ ગયો. હોટલની બહાર વોચમેને પણ ડૉલીને વશ કર્યું. આ દેખીને ડૉલી આશ્ચર્યચકિત થઈ ગઈ.
ડૉલી કાંઈ પૂછે તેના પહેલા સમીર હાથ પકડીને તેને અંદર લઈ ગયો. અને અંદર પહોંચતા જ સમીરે બોલાવેલા દોસ્તોના, મહેમાનોના અને સંગીતના અવાજથી હોલ ગૂંજી ઉઠ્યો.)
હેપ્પી બર્થડે ટુ યુ... હેપ્પી બર્થડે ટુ ડીઅર ડૉલી...