Jainism Course Part 02

SR No.: 006048
Original Sutra Author: N/A
Author: Maniprabhashreeji
Publisher: Adinath Rajendra Jain Shwetambara Pedhi
Publication Year: 2011
Total Pages: 198
Language: Gujarati
Classification: Book_Gujarati
File Size: 10 MB

Page 57

પ્રતિક્રમણ કરવા પહેલા કરવાનું પ્રણિધાન : પાપના કારણે જીવોને દુર્ગતિમાં જવું પડે છે તો પ્રતિક્રમણ અને પશ્ચાતાપથી હું કરેલા પાપને કેમ ન ખપાવું ? પ્રભુએ વગર ભોગવી પાપને ખત્મ કરવાનો કેટલો સુંદર ઉપાય બતાવ્યો છે. આ પાપને ખતમ કરવા માટે મનની ચંચલતાને છોડીને એકાગ્રતાપૂર્વક પૂરી વિધિના ઉપયોગથી પ્રતિક્રમણ કરીશ. પૂરા દિવસભરમાં કરેલા હિંસા વગેરે પાપોને હું યાદ કરીને પ્રતિક્રમણમાં યથાસ્થાન પશ્ચાતાપપૂર્વક એમનું મિચ્છામિ દુક્કડમ્ આપીશ. “શ્રી તીર્થંકર ગણધર પ્રસાદાત્ મમ એષ યોગઃ ફલતુ.”
:
આલોચનાનું પ્રણિધાન ઃ આલોચનાથી કર્મરૂપી શલ્ય દૂર થઈ જાય છે. આ શલ્યને દૂર કરવામાં અહંકાર તથા માયાશલ્ય નહીં રાખું, જે પણ છે જેવું પણ છે, હું સ્પષ્ટ રૂપે તથા પશ્ચાતાપ પૂર્ણહૃદયથી પાપનો સ્વીકાર કરીને ગુરૂદેવને પાપનું નિવેદન કરીશ. ગુરૂદેવની કરૂણા અને કૃપા ને સતત નજરો સમક્ષ રાખીશ. “શ્રી તીર્થંકર ગણધર પ્રસાદાત્ મમ એષ યોગઃ ફલતુ”.
પૌષધનું પ્રણિધાન : પૌષધ, સાધુજીવનનો આસ્વાદ લેવાની ઉત્તમ પ્રક્રિયા છે. પૌષધમાં હું અપ્રમત્ત રૂપથી ક્રિયા અને સ્વાધ્યાય કરીશ. પરંતુ આ અમૂલ્ય સમયને વાતોમાં અથવા ઊંઘમાં વ્યર્થ. નહીં કરીશ. “શ્રી તીર્થંકર ગણધર પ્રસાદાત્ મમ એષ યોગઃ ફલતુ”.
જાપના પૂર્વે પ્રણિધાન ઃ અરિહંત પ્રભુના નામની રટનાથી જીભ અને મનને પવિત્ર બનાવવાનું છે. પ્રભુના નામથી ઉત્તમ વસ્તુ આ દુનિયામાં શું છે ? જેના માટે મનને જાપ છોડીને બહાર જવું પડે ? માટે હું એકાગ્રતાપૂર્વક જાપ કરીશ. “શ્રી તીર્થંકર ગણધર પ્રસાદાત્ મમ એષ યોગઃ ફલતુ”.
ગોચરી વહોરાવતા સમયનું પ્રણિધાન ઃ આજ મારા અપૂર્વ પુણ્યોદયથી ગુરૂભગવંત મારા આંગણે પધાર્યા છે તો અત્યંત ભક્તિપૂર્વક તેમનું સ્વાગત કરૂં. નિર્દોષ ગોચરી વહોરાવાથી હું કૃતાર્થ બનું. આ ગુરૂદેવને વહોરાવાથી મારી આત્મા ભવોદધિથી પાર થઈ જશે. “શ્રી તીર્થંકર ગણધર પ્રસાદાત્ મમ એષ યોગઃ ફલતુ”.
દેરાસર બંધાવવાનું પ્રણિધાન : ઘર બંધાવીને તો મેં ઘણા પાપો કર્યા છે. પરંતુ આજે મને પરમાત્માનું દેરાસર બનાવવાનો સુયોગ મળ્યો છે તો હું આના નિર્માણમાં પોતાના ઘરથી પણ વધારે ધ્યાન રાખીશ અને ગાળેલા પાણીનો ઉપયોગ વગેરે જયણા રાખીશ. દેવાધિદેવના દેરાસરથી કેટલા ભવ્ય જીવ તરી જશે; એનો મારે પૂરે પૂરો લાભ ઉઠાવવો છે. બાહ્ય મંદિરમાં પ્રતિષ્ઠાની સાથે મારા મનમંદિરમાં પણ પ્રભુની પ્રતિષ્ઠા કરીશ. “શ્રી તીર્થંકર ગણધર પ્રસાદાત્ મમ એષ યોગઃ ફલતુ”.
43