________________
પ્રભુના I[ rH Bયાણાથી HEHIઈ મણિ
પ્રભુના જન્મ થવાથી સર્વ શુભ ગ્રહ, રાશિ પોતાના ઉચ્ચ સ્થાનો પર આવી જાય છે. પ્રભુનો જન્મ સકલ સૃષ્ટિને પ્રભાવિત કરે છે. પ્રભુના જન્મથી પૃથ્વીમાં દૂધ-ઘી-ઇડ્યુરસ આદિની વૃદ્ધિ થાય છે. સર્વ વનસ્પિતઓમાં રહેલી ઔષધિઓ પોત-પોતાના પ્રભાવમાં અતિશય વૃદ્ધિને પ્રાપ્ત થાય છે. રત્ન, સોનુ, રૂપા ધાતુઓની ખાણોમાં આ વસ્તુઓની અત્યાધિક ઉત્પત્તિ થાય છે. સમુદ્રમાં ભરતી આવે છે. પાણી અત્યંત સ્વાદિષ્ટ તથા શીતળ બની જાય છે. પૃથ્વીમાં રહેલા નિધાન ઉપર આવે છે.
પ્રભુની પ્રભાવિતાની અસર પ્રકૃતિની સાથે-સાથે પ્રાણી જગત પર થાય છે. પ્રભુના જન્મથી લોકોના મન પરસ્પર પ્રીતિવાળા બને છે. શુભ તથા સાત્વિક વિચાર તથા મંત્રોના સાધકોને સિદ્ધિઓ સુલભ બને છે. તેમના મુખમાંથી અસત્ય વચન નીકળતું નથી. જીવ અત્યંત ભદ્રિક તથા સરળ પરિણામવાળા બને છે. લોકોના મનોવાંછિત પૂર્ણ થતાં જ સુખ અને શાંતિ પ્રાપ્ત કરે છે. એવુ પ્રતીત થાય છે કે પરમાત્માના જન્મ કલ્યાણકથી જાણે કે સર્વ જીવોના હૃદયમાં પ્રભુની પ્રીતિનો જન્મ થાય છે.
પ્રભુના જન્મ સમયે મેરુગિરિ પર ૬૪ ઈન્દ્રમંભુનો અભિષેક કરે છે તથા પ્રભુને પ્રાર્થના કરે છે કે “હે અનંત ઉપકારી અહમ્ પ્રભુ આપના પ્રદેશ-પ્રદેશથી વહેતી આપની અનંત કરૂણા, અપાર વાત્સલ્ય તથા અસીમ કૃપાના પ્રભાવથી ચૌદ રાજલોકના સર્વજીવોની ચેતનામાં મોક્ષ પ્રાપ્તિને અનુકૂળ ગુણોની પ્રાપ્તિ થાય, જગતના સર્વ જીવ પરસ્પર એક-બીજાને વીતરાગ સ્વરૂપ બનવામાં સહાયક બને, પૃથ્વી, પાણી, અગ્નિ, વાયુ, વનસ્પતિ રૂપ પંચભૂત જગતમાં જીવોના આત્મવિકાસમાં અનુકુળ બને.”
તે સમય સકલ બ્રહ્માંડની સર્વ શિવ શક્તિઓ પ્રભુની અભિષેક ધારામાં અભેદ બને છે. જેથી પૂરા ચૌદ રાજલોકમાં વિશેષ મંગલ થાય છે.
