Page Text
________________
પરમાધામી દેવી પરમ અધાર્મિક હોવાથી એમને પરમાધામી કહેવાય છે. આ જીવ ભવ્ય હોય છે. આ પરમાધામી પોતાના પૂર્વભવમાં ક્રૂર કર્મી, સંકિલષ્ટ, અધ્યવસાયી, પાપ કર્મમાં જ આનંદનો અનુભવ કરવા વાળા છે. પંચાગ્નિરૂપ મિથ્યા કષ્ટ ક્રિયાવાળા અજ્ઞાનતપ કરવાથી એમને આવો અવતાર મળે છે. નારકી જીવોને દુ:ખ દેવામાં, એમના પર પ્રહાર કરવામાં તથા દુઃખથી એમને રડતા જોઈ પરમાધામી અત્યંત ખુશ થાય છે. આનંદના અતિરેકમાં તાળીઓ વગાડી અટ્ટહાસ કરે છે કેમ કે નારકી જીવોને દુઃખ દેવામાં એમને જે આનંદ આવે છે તે આનંદ તેમને દેવલોકના નાટકાદિ જોવામાં પણ નથી આવતો. નારકી જીવોના દુઃખમાં આનંદ માનવાના કારણે મહાકર્મ બાંધી આ પરમાધામી દેવ મરી અંડગોલિક જલ મનુષ્યના રૂપમાં ઉત્પન્ન થાય છે. '
આ અંડગોલિક મનુષ્ય વજઋષભનારાચ સંઘયણ વાળા મહાપરાક્રમી, માંસ-મદિરા અને સ્ત્રીઓના મહાલોલુપી હોય છે. એમના શરીરમાં એક ગોળી હોય છે જેના પ્રભાવથી જળમાં રહેલા નાના-મોટા જીવ-જંતુ એમની પાસે નથી આવતા. રત્નના વ્યાપારી સમુદ્રની ગહેરાઈથી રત્ન વગેરે લાવવા માટે જળમાં રહેતા જીવોથી પોતાની રક્ષા માટે એવી અંડગોલિયાં પ્રાપ્ત કરવાની ચાહમાં એને પકડવાનો પ્રયાસ કરે છે.
આ અંડગોલિક મનુષ્ય અત્યંત શક્તિશાળી હોવાથી સાધારણ મનુષ્યને પકડીને જ કાચો ખાઈ જાય છે. એમને પકડવા માટે રત્નના વ્યાપારી એક વજમય ઘટ્ટી બનાવે છે જે યંત્રથી ચાલે છે. આ ઘટ્ટીમાં એક વાર ફસાયા પછી આ અંડગોલિક બચી નથી શકતા. આ ઘટ્ટીના બે પટ્ટ હોય છે, વ્યાપારી આ વજની ઘટ્ટીના બંને પટ્ટ ખોલી તેને એક જગ્યા પર રાખી દે છે અને જ્યાં આ અંડગોલિક રહે છે તે સ્થાનથી લઈ ઘટ્ટી સુધી શરાબ માંસ આદિ ભોગ સામગ્રી બિછાવી દે છે. ઘટ્ટીની અંદર પણ ખૂબ અધિક માસ શરાબ રાખી દે છે.
આ અંડગોલિક માંસ તથા શરાબને જોઈ આનંદ મગ્ન થઈ એને ખાતા-ખાતા થોડા દિવસમાં ઘટ્ટીમાં ઘુસી જાય છે ત્યારે તે વ્યાપારી બટન દબાવી ઘટ્ટીના પટ્ટના દરવાજા બંધ કરી દે છે અને ઘટ્ટી શરૂ કરી દે છે. અંડગોલિક એમાં પીસવા લાગે છે. એની પીડાનો કોઈ પાર નથી રહેતો, પીડાથી તે ચિલ્લાવા લાગે છે. એમની ચીસથી પૂરું વાતાવરણ ગૂંજવા લાગે છે. એમના હાડકાઓ મજબૂત હોવાથી જલ્દી તૂટતા નથી. પરિણામતઃ એને છ મહિના સુધી પીસવામાં આવે છે. છ મહિના સુધી પીસવાથી અંતમાં એના શરીરનું ચૂરણ થાય છે.
મહાઘોરાતિઘોર નારકીય યાતનાઓ ભોગવતા ભોગવતા અંડગોલિક અતિ રૌદ્ર ધ્યાનમાં મરી નરકમાં ઉત્પન્ન થાય છે. “જેવી કરણી તેવી ભરણી” કહેવત અનુસાર બીજાને દુઃખ દેવાના કારણે સ્વયંને દુ:ખ ભોગવવું પડે છે.
25 )
| SR No. | 006048 |
| Book Title | Jainism Course Part 02 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 198 |
| Language | Gujarati |
| Classification | Book_Gujarati |
| File Size | 10 MB |