Page Text
________________
ત્યાં તે એક દિવસ ગિરનાર તીર્થની યાત્રા કરવા ગયા. વિજળી પડવાથી તૂટેલા લાકડાના જિનમંદિરને જોઈ તેમનું દિલ દ્રવિત થઈ ઊઠ્યું. તુરંત જ જીર્ણોદ્ધારનું કાર્ય શરૂ કરાવી દીધું અને ત્રણ વર્ષથી વસૂલ કરેલી કરની રકમ જીર્ણોદ્ધારમાં લગાડી દીધી. કોઈ ઈર્ષ્યાએ સમ્રાટ સિદ્ધરાજની પાસે જઈ ચાડી ખાધી. ક્રોધિત સિદ્ધરાજ તરત જ સૌરાષ્ટ્રની તરફ રવાના થયા. વચ્ચે સોમનાથ મહાદેવના દર્શન કરી તે ગિરનારની તળેટીમાં સ્થિત વંથલી ગામમાં પહોંચ્યા. મંત્રી સાજન તેમનું સ્વાગત કરવા સામાં આવ્યા, પરંતુ રાજાએ મુખ ફેરવી લીધું. સાજને મંત્રી સમજી ગયા કે જરૂર દાળમાં કંઈ કાળુ છે. રાજયની રકમ જીર્ણોદ્ધારમાં વ્યય કરવામાં આવી છે. આ વાતથી મહારાજનું મન ખિન્ન થઈ ગયું છે. ખેર, કંઈ વાંધો નહીં, એનો પણ કોઈ માર્ગ નીકળી આવશે.
મંત્રી સાજને વંથલીના આગેવાન શેઠને બધી વાત કહી. શેઠે કુલ સાડા બાર કરોડ સોના મહોર સાજનને આપી.
બીજા દિવસે સિધ્ધરાજ જયસિંહ ગિરનારની યાત્રા કરવા પધાર્યા. ગગનચુંબી, વિરાટ, દૂધથી સફેદ શિખરોને જોઈ સિધ્ધરાજના મુખેથી શબ્દ નીકળી પડ્યા – “ધન્ય છે એની માતાને જેણે આવા મંદિરનું નિર્માણ કરાવ્યું.”પાછળ ઉભા સાજન મંત્રી પણ તરત બોલ્યા - “ધન્ય છે માતા મિનળદેવીને જેણે સિધ્ધરાજ જેવા પુત્રરત્નને જન્મ આપ્યો.” આ વચન સાંભળી સિધ્ધરાજે જ્યારે પાછળ ફરી જોયું ત્યાં જ સાજન દંડનાયકે સાડા બાર કરોડના સોના મહોરથી ભરેલો થાળ બતાવી કહ્યું - “મહારાજ! જોઈ લો આ સોના મહોરો અને જોઈ લો આ જિનાલય. બંનેમાંથી જે પસંદ હોય તે રાખી લો. આપનું ધન મેં જીર્ણોદ્ધારમાં લગાવી દીધું છે. એનાથી આપની કીર્તિને ચાર ચાંદ લાગી ગયા છે. છતાં પણ જો આપને આ પુણ્ય ન જોઈએ અને આ ધન જ જોઈએ તો સંઘના આગેવાનોએ રકમ પણ જમા કરીને રાખી છે. આપને જે જોઈએ છે, તે લઈ લો.” સિધ્ધરાજ પીગળી ગયો અને બોલી ઉઠ્યો - “ધન્ય છે મારા દંડનાયક સાજન ! તને ધન્ય છે ! આવા જીર્ણોદ્ધારનો લાભ આપી તે મારું જીવન ધન્ય બનાવ્યું છે. સાજન ! પુણ્યબંધ કરાવવાવાળા આ પ્રસાદને હું સ્વીકારું છું. મને આ ધન નથી જોઈતું.”
એક સાથે બધાએ મળી જયઘોષણા કરી - “બોલો, આબાલ બ્રહ્મચારી ભગવાન નેમિનાથની જય” ખુશ થઈ સિધ્ધરાજે મંદિરના નિભાવ હેતુ ૧૨ ગામ ભેટ આપ્યા. સાજન મંત્રીએ ૧ર યોજનની (૧૨૦ કિ.મી.ની) વિશાળ ધ્વજા બનાવી એનો એક છેડો ગિરનારના શિખર પર બાંધ્યો. અને બીજો છેડો સિદ્ધાચલ તીર્થમાં દાદાના શિખર પર બાંધ્યો.
આગેવાન શ્રેષ્ઠીએ સાડા બાર કરોડ સોના મહોરો ફરીથી ઘરે ન લઈ જઈ તે ધનથી વંથલી ગામમાં બીજા ચાર નવા જિનાલયોનું નિર્માણ કરાવ્યું.
| SR No. | 006048 |
| Book Title | Jainism Course Part 02 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 198 |
| Language | Gujarati |
| Classification | Book_Gujarati |
| File Size | 10 MB |