Page Text
________________
સ્થૂલિભદ્ર મુનિ : અહંકાર વગર પૂરી વાસ્તવિકતા કહું તો મારા મનમાં એક વાર પણ આવો કોઈ વિચાર નથી આવ્યો. આને દેવગુરૂની કૃપાનો ચમત્કાર જ કહી શકો છો નહીંતર મારામાં આવી તાકાત ક્યાં કે હું મારા મનને નિયંત્રિત કરી શકું. સિંહ ગુફાવાસી મુનઃ ધન્ય છે આપને ! મારું મન તો કોશાને પહેલી નજરે જોતાં જ ચંચલ થઈ ગયું હતું. ન તો એના હાથનું બનેલું ભોજન મેં ખાધુ હતું અને ન એને નૃત્યાદિ કરતાં દેખી. પરંતુ માત્ર એક દષ્ટિપાતથી જ મારા મનમાં વિકારી ભાવનાઓનું આગમન થઈ ગયું હતું. સાજ શૃંગારથી સજેલી, નૃત્ય આદિ કલાઓને કરતી આવી રૂપસુંદરી કોશાને સતત આંખોની સમક્ષ દેખીને આપ દઢ રહ્યા એ અતિ દુર્લભ છે. હું એ જાણવા માગું છું કે ષડ્રસ ભોજન કરીને તથા નૃત્યાદિ દેખીને પણ આપ નિર્લેપ કેવી રીતે રહી શક્યા? જયારે કોશા આવતી હતી ત્યારે નિર્વિકારી રહેવાને માટે આપ શું આપની આંખો બંધ કરીને બેસતા હતા? આપ એવું ચિંતન કેમ કરતા હતા, કે આપને આપના લક્ષ્ય પર મજબૂત રહેવાની શક્તિ આપતું હતુ? . સ્થૂલિભદ્ર મુનિ : આગમગત જિનવાણીના અધ્યયનથી અને પૂજય ગુરૂ ભગવંતની શુશ્રુષા આ બંનેના પ્રભાવથી મેં એવા અનેક વિચારોનો (ચિંતન) સહારો લીધો. જેના બળે હું કોલસાની ખાણમાં જઈને પણ કાળા ધબ્બા વિના બહાર નીકળી શક્યો. એ ચિંતન આ પ્રમાણે છે. ૧. એક વાર અબ્રહ્મના સેવનથી બે થી નવ લાખ પંચેન્દ્રિય જીવોની હિંસા થાય છે. અન્ય કૃમિ વગેરેની ગણતરી તો અલગ રહી. આવી જિનવાણી છે. માટે મારે સાવધાન રહેવાનું છે. ૨. મને ગુરૂ મહારાજ નજરની સામે દેખાય છે. એમણે મારા ઉપર દઢ વિશ્વાસ રાખીને સાધુને માટે બિસ્કુલ અનુચિત સ્થાને ચાતુર્માસ કરવાની આજ્ઞા આપી. હવે મારે એમના વિશ્વાસને અવિચલિત રાખવાનો છે. ૩. મારી માંનો ચહેરો સામે આવી જતો. તે મને કહેતી હતી કે મારી આ કુક્ષિ રત્નકુક્ષિના રૂપે પ્રસિદ્ધ બને કે કોલસા કુક્ષિના રૂપે નિંદનીય બને, આ તારી ઉપર નિર્ભર કરે છે. ૪. કોશાના ચહેરામાં મને કોશા નહીં મારી માં દેખાતી હતી. અને જ્યાં માંનો ચહેરો હોય, માનું નામ હોય, ત્યાં કામ કેવી રીતે રહી શકે છે? ૫. જાણે કે મને મારા સ્વર્ગસ્થ પિતાજી કાનમાં કહી રહ્યા છે કે “હું એક સામાન્ય રાજાની સેવા સ્વીકાર્યા પછી પણ એમને વફાદાર રહ્યો છું. અને મારી વફાદારી ઉપર જયારે શંકાના વાદળો ઘેરાવવા લાગ્યા ત્યારે આખા પરિવારની રક્ષા તેમજ પોતાની વફાદારી સિદ્ધ કરવા માટે મેં આત્મહત્યા કરી લીધી, પરંતુ કલંક નહીં લાગવા દીધું. તું મારો પુત્ર છે, મારા ઉજ્જવલ કુળ-વંશને હજુ વધારે ઉજજવળ કરવાનું કામ તારું છે. તું દીક્ષા લીધા પછી ત્રણલોકના મહારાજા જિનેશ્વરદેવની સેવામાં છે માટે એમના વેષને પ્રત્યે વફાદાર રહેજે. મરી જજે પરંતુ ભ્રષ્ટ ન થતો. જૈનશાસન-સંઘ તારો જ પરિવાર છે. તારી ભૂલથી એમની નિંદા ન થાય એનો ખ્યાલ રાખજે.
| SR No. | 006048 |
| Book Title | Jainism Course Part 02 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 198 |
| Language | Gujarati |
| Classification | Book_Gujarati |
| File Size | 10 MB |