Page Text
________________
જીતવું જોઈતું હતું અને એમને પણ ધર્મના રસ્તે લઈ જવાના હતા. પરંતુ તે માત્ર પોતાના ધર્મને જ ટકાવી રાખવું જરૂરી સમજયું અને આ કારણે તે પોતાની સાસુના દિલથી બહુ જ દૂર થઈ ગઈ. બેટા ! વહુએ તો પોતાની સાસુને જવાબદારીઓથી મુક્ત કરીને ધર્મઆરાધનામાં અનુકૂળતા કરી આપવી જોઈએ. જેનાથી તારી સાસુ જે પણ ધર્મઆરાધના કરશે તેમાં તું પણ ભાગીદાર બનશે. “કરણ, કરાવણ ને અનુમોદન સરખા ફળ નિપજાયો રે..” કદાચ સંયુક્ત પરિવારમાં રહીને તું ઈચ્છે તેટલી ધર્મઆરાધના નહી કરી શકે, પરંતુ સાસુને કરાવીને લાભ તો લઈ શકે છે અને સાથે જ તને પણ ધર્માઆરાધનામાં અનૂકુળતા મળતી રહેશે. મોક્ષા પણ માં ! તમે તો જાણો જ છો ને કે મારી સાસુમાં કેટલી નાસ્તિક છે. હવે હું એમને ધર્મમાં કેવી રીતે જોડું? અત્યારે તો તેઓ મારાથી એટલા નારાજ છે કે જો હું એમને કંઈપણ કહીશ તો તેઓ માનવા માટે તૈયાર જ નહીં થાય. જયણા એના માટે તારે તારી સાસુમાંનું દિલ જીતવું પડશે. મોક્ષા: પણ માં કેવી રીતે? જયણાઃ બેટા ! ગુરૂકુળમાં ભણીને તે કેટલી કલાઓ શીખી છે અને એમાં પણ તું તો ચિત્રકલા, સંગીતકલામાં નિપુણ છે. તારી સાસુનું સારુ ચિત્ર બનાવીને, એની ઉપર સારી શાયરી કે ગીત બનાવીને એમને સંભળાવ, એમની પ્રશંસા કર, એમની પાસે જઈને બેસ. એમને તારા દિલની વાત કહે, એમને કોઈ તકલીફ તો નથી ને, એના વિષયમાં પૂછ. બેટા ! હું તો એજ માનું છું કે કૂવો ખોદવાવાળાને કદાચ પાણી મળે કે ના મળે, પરંતુ સામે વાળા પ્રત્યે પ્રેમપૂર્ણ વ્યવહાર કરવાથી આપણને પ્રેમનો અનુભવ ન થાય એવું તો હોઈ જ ન શકે. તું એક વાર પ્રયત્ન કરીને જો... સફળતા તારા પગ ચૂમશે. બેટા! એક વાતનું ધ્યાન રાખજે કે વિવેકને ધર્મમય વાતાવરણમાં આગળ વધારવા માટે તેમજ ધર્મ કરવા માટે ક્યારેય જોર-જબરદસ્તી કે ધમકીઓનો ઉપયોગ ન કરતી, ઉલટું એને પણ તારી ચિત્રકલા, સંગીતકલા વગેરેથી ખુશ કરીને પ્રેમથી ધર્મમાં જોડજે, થોડી ધીરજ રાખજે, બધુ બરાબર થઈને જ રહેશે. મોક્ષાઃ ઠીક છે માં ! હું સાસરે જઈને જલ્દી જ તમને શુભ સમાચાર આપું છું.
(આજકાલની ધાર્મિક પત્નિઓ એવું વિચારે છે કે હું જો ધર્મ કરું છું તો મારા પતિને પણ ધર્મ કરવું જોઈએ. અહીં સુધીનો વિચાર તો ઠીક છે, પરંતુ તે પોતાના પતિને ધર્મમાં જોડવા માટે ધમકીઓ તેમજ જબરદસ્તીનો ઉપયોગ કરે છે. જેમ કે જો તમે મંદિર નહી જાઓ તો તમને ચા નહીં મળે. ઉઠો પહેલા મંદિર જઈ આવો. આ પ્રમાણેની ધમકીઓથી તે પોતાના પતિને ધર્મમાં જોડી તો લે છે પરંતુ એ ધર્મ દીર્ઘકાલીન ટકી શકતો નથી. એના બદલે એમને ખુશ કરીને પ્રેમથી એમના મનમાં ધર્મના પ્રત્યે અહોભાવ પેદા કરાવીને એમને ધર્મ કરાવવો જોઈએ. જેથી એ ધર્મદીર્ઘકાલ સુધી ટકી રહે. આ પ્રમાણે મોક્ષાને પોતાની બધી શંકાઓનું સમાધાન પોતાની માં પાસેથી મળી ગયું. આમ તો વહુએ
| SR No. | 006048 |
| Book Title | Jainism Course Part 02 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 198 |
| Language | Gujarati |
| Classification | Book_Gujarati |
| File Size | 10 MB |