________________
સમયસાર દર્શન શ્રી સમયસારજીની સ્તુતિ સંસારી જીવના ભાવમરણો ટાળવા કરુણા કરી, સરિતા વહાવી સુધા તણી પ્રભુ વીર ! તેં સંજીવની, શોષાતી દેખી સરિતને કરુણાભીના હૃદયે કરી; મુનિકુંદ સંજીવની સમયમામૃત તણે ભાજન ભરી. કુંદકુંદ રચ્યું શાસ્ત્ર, સાથિયા અમૃતે પૂર્યા, ગ્રંથાધિરાજ ! તારામાં ભાવો બ્રહ્માંડના ભર્યા. અહો ! વાણી તારી પ્રશમરસ ભાવે નીતરતી, મુમુક્ષુને પાતી અમૃતરસ અંજલિ ભરી ભરી; અનાદિની મૂચ્છ, વિષ તણી ત્વરાથી ઊતરતી, વિભાવેથી થંભી, સ્વરૂપ ભણી દોડે પરિણતિ. તું છે નિશ્ચયગ્રંથ ભંગ સઘળા વ્યવહારના ભેદવા, તું છે પ્રજ્ઞાછીણી જ્ઞાન ને ઉદયની સંધિ સહુ છેદવા; સાથી સાધકનો, તું ભાન જગનો, સંદેશ મહાવીરનો, વિસામો ભવકલાતના હૃદયનો, તું પંથ મુક્તિ તણો.
સૂર્યે તને રસનિબંધ શિથિલ થાય, જાયે તને હૃદય જ્ઞાની તણાં જણાય; તું રુચતાં, જગતની રુચિ આળસે સૌ, તું રીઝતાં સકલ જ્ઞાયકદેવ રીઝે. બનાવું પત્ર કુંદનના, રત્નોના અક્ષરો લખી, તથાપિ કે દસૂત્રોના અંકાયે મૂલ્ય ના કદી.
શ્રી સદ્ગુરુદેવ-સ્તુતિ સંસાર સાગર તારવા જિનવાણી છે નૌકાભાલી, જ્ઞાની સુકાની મળ્યા વિના એ નાવ પણ તારે નહીં; આ કાળમાં શુદ્ધાત્મજ્ઞાની સુકાની બહુ બહુ દોહ્યલો, મુજ પુણ્યરાશિ ફળ્યો અહો ! ગુરુ કહાન તું નાવિક મળ્યો.
(અપૂર્ણ)
