Page Text
________________
હું એક સમયની પર્યાયથી, નિમિત્તથી, ગુણ-ગુણીના ભેદ વિગેરેથી પણ સદાય ભિન્ન જ છું. એક બાજુ હું શુધ્ધ આત્મા છું અને બીજી બાજુ દ્રવ્યકર્મ, નોકર્મ, અને ભાવકર્મ રૂપે સંયોગો અને સંયોગીભાવો છે. એ બધા સંયોગો અને સંયોગીભાવો મારે હિસાબે જડનો વિસ્તાર છે, જ્યારે હું પોતે નક્કર ચૈતન્યપિંડ છું. અને સઘળા દ્રવ્યકર્મ, નોકર્મ, ભાવકર્મથી સંપૂર્ણપણે ભિન્ન છું. આમ, સ્વભાવ દ્રષ્ટિથી હું અત્યંત નિર્લેપ, ભિન્ન, શુધ્ધ જ છું. મારી વર્તમાન વર્તતી અવસ્થામાં આવા શુધ્ધ સ્વભાવની સાધના, ઉપાસના કરવાનો પુરુષાર્થ મેં આદર્યો છે. શુધ્ધ સ્વભાવના આશ્રયે વર્તમાન અવસ્થા એક દેશ શુધ્ધ થઈ શુધ્ધ સ્વભાવ સાથે એક સમય માટે અભેદ પરિણમી જશે. અને મને મારા શુધ્ધપણાનો શિધ્ર જ અનુભવ થશે. ૧૧) હું સ્વરૂપ પ્રત્યક્ષ છું.
પરની અપેક્ષા રાખ્યા વિના હું (આત્મા) પોતે મારા પોતાના જ્ઞાનમાં પોતાથી જ, સ્પષ્ટ, પ્રત્યક્ષ જણાઉં એવી જ્ઞાન જ્યોતિ હું- પોતે જ છું. હું જાણનારો જાણનારપણે જ રહું છું. શેયપણે થતો નથી. હું-આત્મા-એક અનંતગુણાત્મક ત્રિકાળ અભેદ ધ્રુવ વસ્તુ છું. અને મારા આવા ધ્રુવસ્વરૂપને જાણે દેખે એવું ત્રિકાળજ્ઞાન અને ત્રિકાળદર્શન મારા સ્વરૂપમાં જ રહેલા છે. આવા ધૃવરૂપ કારણસ્વભાવજ્ઞાન અને કારણસ્વભાવદર્શનમાં મારા સમગ્ર ધ્રુવ સ્વરૂપનું જાણવું-દેખવું નિષ્ક્રિયપણે, નિરંતર અને ધ્રુવ પ્રવાહરૂપે વર્તી જ રહ્યું છે. આવું સ્વરૂપ-પ્રત્યક્ષપણું મારા અતરંગમાં સદાય વર્તી જ રહયું છે. ૧૨) હું પ્રત્યક્ષ પ્રતિભાસમય છું.
અંતરંગમાં સ્વભાવવાન અનંતગુણાત્મક શક્તિમાન સંપૂર્ણ ધ્રુવસ્વરૂપનું જે જાણવું-દેખવું ધ્રુવપ્રવાહરૂપે વર્તી રહયું છે, ત્યાંથી જ એ જાણવું દેખવું અંશરૂપે વર્તમાન ક્રિયાશીલ સામાન્ય ઉપયોગમાં આવે છે. અને તે ઉપયોગમાં આબાળ-ગોપાળ સૌને અનુભૂતિ-સ્વરૂપ ભગવાન આત્મા સ્વયં પોતે જ અનુભવમાં એટલે કે જાણવામાં આવી જ રહયો છે. આમા ખરેખર તો પ્રત્યેક સમયે હું મને પોતાને પ્રત્યક્ષ પ્રતિભાસમય જ છુ. જે સકળ નિરાવરણ અખંડ એક પ્રત્યક્ષ પ્રતિભાસમય અવિનશ્વર, શુધ્ધ
ભાવના ભવનાશીની
| SR No. | 006040 |
| Book Title | Bhavna Bhavnashini |
| Original Sutra Author | N/A |
| Author | Kishor Mamaniya |
| Publisher | Kishor Mamaniya |
| Publication Year | |
| Total Pages | 48 |
| Language | Gujarati |
| Classification | Book_Gujarati |
| File Size | 5 MB |