________________
જ્યારે અપૂર્વકરણના પ્રથમ સમયે પણ, અસંખ્ય લોકાકાશના આકાશ પ્રદેશ જેટલા અધ્યવસાય સ્થાન છે. ઉપશમ સમ્યકત્વ અને ક્ષયોપશમસમ્યત્વવાળા દરેક જીવને અનિવૃત્તિકરણના પ્રથમ સમયથી વિશુદ્ધિ એકસરખી હોય. કારણ અધ્યવસાય સ્થાન એક સમાન છે. પણ ક્ષયોપશમ વાળો જીવ અપૂર્વકરણમાંજ ગ્રંથી ભેદ કરીને ત્યાંને ત્યાંજ ત્રિપુંજીકરણપ્રબળવિશુદ્ધિ ના જોરે કરી નાંખે અને પછી અનિવૃત્તિકરણમાં આવે ત્યારે પહેલાં કરતાં અનંત ગુણી વિશુદ્ધિના કારણે ઉદીત મિથ્યાત્વનો ક્ષય કરી અનુદિત મિથ્યાત્વનો ઉદય અટકાવે છે. અને શુદ્ધપુંજના ઉદયની શરુઆત થાય.
(આ શુદ્ધ પુજનો દેશઘાતી રસસ્પર્ધકોનો ભોગવટો તેનું નામ ક્ષયોપશમ સમ્યગદર્શન) ક્ષયોપશમ સમ્યગદ્રષ્ટિ વૈમાનિક નિકાય કે મનુષ્યનું આયુષ્ય બાંધે. ક્ષાયિક સમ્યગદ્રષ્ટિનો જો આયુષ્યનો બંધ ન થયો હોય તો તે જ ભવે મોક્ષે જાય અને જો આયુષ્યનો બંધ થઈ ગયો હોય અર્થાત (દેવ કે નરકનું) બંધાયુ હોય તો ચોથે ભવે નિયમા ક્વચિત્ પાંચમેં મોક્ષે જાય.
ઉપશમવાળો આયુષ્ય બાંધે નહીં, પરંતુ જેણે યુગલિક મનુષ્ય કે તિર્યચનું આયુષ્ય બાંધ્યું હોય તે, ૬ પલ્યોપમ અધિક પૂર્વ કોડ વર્ષ પછી મોક્ષે જાય. યુગલિક નું ૩ પલ્યોપમ અને પછી દેવભવનું ૩ પલ્યોપમથી અધિક આયુષ્ય ન બાંધે.
ઈમ્પોર્ટન્ટ અનંતકાળથી ભાવ પ્રાણ વડે મરેલા જીવને, સજીવન કરવાનો
અસાધારણ ઉપકાર શ્રી તીર્થકર દેવનો જ છે, આથી જ શ્રી ભગવંતના વચનો ઉપર શ્રદ્ધા રુચિ અને ત્યાર બાદ અમલ કરવો જોઈએ. શ્રી તિર્થંકર દેવની ભક્તિમાં તન મન ને ધન ન્યોછાવર કરવાં જોઈએ. જેમકે શ્રી કુમારપાલ- વસ્તુપાલ-શ્રીપાલ વગેરે. શ્રી જૈનશાસન જયવંતુ છે, અને મોક્ષનું અસાધારણ કારણ પણ તેજ છે. માટે જ તેને સર્વમંગલમાં શ્રેષ્ઠતમ મંગળ સર્વના કલ્યાણનું અનન્ય કારણ,
४८
