Parampaddai Anandghan Padreh Part 02

SR No.: 006025
Original Sutra Author: N/A
Author: Suryavadan T Zaveri
Publisher: Shreyaskar Andheri Gujarati Jain
Total Pages: 442
Language: Gujarati
Classification: Book_Gujarati
File Size: 9 MB

Page 301

૨૬૦
આનંદઘન પદ - ૯૨
ઝલક મળે તો પણ એનું વર્તમાન જીવન આખું પલટાઈ જાય છે. પછી તેને ક્યાંય બીજે ચેન પડતું નથી એટલુજ નહિ એના જન્મ-જન્માંતર સુધરી જાય છે.
આવા વિકટ સમયમાં પણ પ્રભુની ગુપ્ત સહાયતા કામ કરતી જ હોય છે. દેવી તત્ત્વો ગુપ્ત પણે તેની રક્ષા કરતાજ હોય છે. ભક્ત જ્યારે પોતાનું જીવન પ્રભુને સમર્પિત કરે છે ત્યારે દેવ-ગુર અને ધર્મ રૂપ તત્ત્વત્રયી એને સંભાળી લે છે - સાચવી લે છે. તે સાધકને નિરાધાર સ્થિતિમાં કદીયે રાખતી નથી. એનું કારણ સાધકની ભાવરૂચિ નિર્મળ પરિણામના પ્રવાહમાં વહી રહી છે.
આ સમયે સાધકની તપોધ્યાનની ભઠ્ઠી ધ્યાનાગ્નિથી તપેલી હોવાના કારણે કર્મો સ્વયં ખેંચાઈને સ્વત: ભસ્મીભૂત થઈ નિર્જરી જાય છે. આ કર્મ નિર્જરણની ક્રિયાને જ્ઞાની આત્મા જ્ઞાન દ્વારા જાણી શકે છે અને તે વખતે જે ધ્યાન દશા વર્તે છે તે તેનું ભાવ ચારિત્ર સમજવું.
સમતા પોતાની સખીઓ તૃપ્તિ, માદેવી, વિરાગિની, બ્રાહ્મી, શિવા જ્યોતિ વગેરેને કહી રહી છે કે હે સખીઓ ! ધ્યાનાગ્નિથી મારી અંદર રહેલ ક્રોધ, માન, માયા, લોભ, મત્સર વગેરે વિચારોનો કચરો બળી ગયાથી મારા અંદરમાં શુદ્ધિ વર્તે છે તેથી હું તમારી આગળ સોઢું ખોઈ - સોગંદ ખાઈને પેટ છુટી વાત કહુ છું કે જેમ બ્રાહ્મી સુંદરી બંને બેનો પોતાના ભાઈ બાહુબલી આગળ આવીને સમજાવે છે કે તમારી આત્મધ્યાનની પરિણતિ પ્રશાંતરસમાં વહી રહી છે ત્યારે તમારાથી નાના એવા કેવલી બનેલા ભાઈઓને વંદન ન કરવાના ભાવ રૂપ અહંકાર કેવલજ્ઞાનની પ્રાપ્તિમાં અંતરાયભૂત બની આડે આવી રહ્યો છે તેને તમારા આત્મઘરમાંથી બહાર કાઢો અને તમારાથી અગાઉ દીક્ષિત થયેલા અને ચારિત્રની સાધનામાં આગળ વધેલા તમારા ભાઈઓને વાંદવા પગ ઉપાડો. આ સંદેશ ઋષભદેવ પ્રભુએ મોકલ્યો છે “વીરા મોરા ગજ થકી ઉતરો રે ગજ ચઢે કેવલ ન હોય રે વીરા મોરા” તેમ તમે પણ હે સખીઓ ! મારા સ્વામી. ચૈતન્યદેવ પાસે જઈ તેને મનાવી પરઘરથી છોડાવી સ્વઘરે પાછા લાવો ! ત્યારે સખીઓ જવાબ આપે છે કે સંસારમાં પતિ-પત્નીનો સંબંધ રાગભાવથી. ભાવિતા અને તમારો ચૈતન્યદેવનો સંબંધ વીતરાગભાવથી ભાવિત આમ બંનેમાં ઘણું
વીતરાગ છે તે દેવ છે, નિર્ગુણ છે તે ગુરૂ છે. સર્વત્ર અહિંસા પ્રવર્તન એ ધર્મ છે.