________________
.
આનંદઘન પદ
J
૯૦
ભેરી, દુંદુભિ - નગારા નાદ એ બધાની અનુભૂતિ થવી. આ સંભળાતા નાદો અનુભવ્યા પછી બધિર નાદમાં મેઘનાદ - સરિતાનાદ અને ગંભીર એવો સમુદ્રનાદ દૃશ્યરૂપે અનુભવાય છે. ત્યાર પછી ગળાના ભાગમાં આવેલ વિશુદ્ધ ચક્રમાં પ્રભુભકિતના ગુણગાન - વાજિંત્રોના સુરો - તાલ લય પૂર્વકનું સંગીત સાથેનુ ગીત - સુરાવલિ ધ્વનિ કે જે ગાનારને સાંભળનારને સર્વને મધુરરસનું પાન કરાવે - ભકિત રસ ઉપજાવે તેવા મધુર ધ્વનિનો અનુભવ થતો હોય છે.
-
પાચંમો અનુભવ : આજ્ઞાચક્રમાં (ખોપરીની અંદર કપાળના મધ્યભાગમાં) નાનકડી બારી સરખું ત્રીજું લોચન - દિવ્ય નયન કે અંતર શોધમાં સહાયક અંતર ચક્ષુ, રૂપ બારીના ઉઘડવાનો અનુભવ થવો અને બ્રહ્મરંધ્ર સહસ્ત્રાર ચક્રમાં અધ્યાત્મિક શકિત ખીલી રહ્યાનો અનુભવ થવો.
આજ્ઞાચક્ર અને સહસ્ત્રાર ચક્રની વિશુદ્ધિ થયા પછી તે તંત્ર કર્મમલ રહિત થવાથી તેમાંથી ઉદ્ભવ પામતા પદ્મલેશ્યાથી લેસિત સુવર્ણના રંગ જેવા અને શુકલ લેશ્યાથી લેસિત ઉજ્જવળ પરિણામવાળા રંગની શ્યાહી દીધાથી એ શ્યાહીના રંગે આનંદઘનજીનો ચૈતન્ય આત્મા રંગાયો, વિવેક જ્ઞાનદૃષ્ટિ જાગૃત થઈ. વૈરાગ્યની વૃદ્ધિ થઈ. શ્રદ્ધા-સુમતિ-સમતાનું નજદીક આવવુ થયું. વાણીમાં અમૃત રસનુ ઝરવું, લોકાલોક પ્રકાશક જ્ઞાનને ફેલાવનાર કૈવલ્યજ્ઞાનનું અંશ રૂપે સમતાના ઉદરમાંથી બાળકભાવે અવતરણ થવું પોતાના જીવન સાગરમાં અનુભવનો સંચાર અને જલપાન કર્યાનો અનુભવ થવો.
આવા અનેક પ્રકારના અનુભવો શ્રીમદ્ આનંદઘનજીને સમતામાં રમણતા કરવાથી થયા છે. તેમના ગુપ્ત ભેદોના જ્ઞાનથી આ પદને તેઓશ્રીએ અલંકૃત કરેલ છે.
筑
માનવભવમાં આવી સંસાર છોડવા જેવો અને મોક્ષ મેળવવા જેવો છે, પણ તે માટે નિયમબાહ્ય થયેલાં જીવે નિયમમાં આવવા સંયમ લેવા જેવો છે.
આવતી ચીજ માટે હરખ ન કરો, જતી ચીજ માટે આંસુ ન સારો
