________________
આનંદઘન પદ - ૯૦
૨૭
આનંદઘનજી મહારાજને અમુક સમય સમયના અંતરે જુદા જુદા પ્રકારની અનુભૂતિઓ અંતરંગમાં થયેલી તેની એકી સાથેની ક્રમવાર નોંધ આ પદમાં લીધી હોય એવું જણાય છે.
પહેલો અનુભવ : શ્રદ્ધા-સુમતિ એટલે શુદ્ધ થયેલી ચેતના તેનુ સમત્વભાવમાં આવવું. શુદ્ધ ચેતના એ અધ્યાત્મનું પ્રથમ અંગ અને તે ફંડલિની. શક્તિ કે જે અનાદિકાળથી મૂછમાં અથવા સુષુપ્ત દશામાં સર્પાકારે વીંટળાઈને ગૂંચળાકારે મૂળાધારમાં પડેલ તેને પુનઃ જાગૃતિમાં આયાનો અનુભવ તે પહેલો અનુભવ.
બીજો અનભવ : જઠર અથવા હોજરી કે જે ભાગને સ્વાધિષ્ઠાન ચક્રની ઉપમાં આપેલ છે તે ધ્યાનાગ્નિ રૂપી ભઠ્ઠીના બળથી જવલંત થતાં હળવા થયેલા કર્મો કે જે સ્વરૂપાનુભૂતિમાં અંતરાય કરનારા હતાં તેનું લોહચુંબકની જેમ ખેંચાઈ ખેંચાઈને ઉદયમાં આવી નિર્જરા થવી. જેમ હોળીના તહેવારમાં હોળી સળગાવી તેમાં લાકડા-પાંદડા-ડાળી-ડાખળાઓ, કાગળના ટૂકડાઓ. બાળવામાં આવે છે તેમ સત્તામાં પડેલા અને ઘણા લાંબા કાળ પછી ઉદયમાં આવનારા એ કર્મોનુ પણ ધ્યાનાગ્નિથી સ્વાધિષ્ઠાન પ્રજ્વલિત થતાં લોહચુંબકની જેમ ખેંચાઈને ઉદયમાં આવી ખરી પડવું એવો ઉદીરણાનો પોતાના જ્ઞાનમાં અનુભવ થવો તે બીજો અનુભવ.
ત્રીજો અનુભવઃ નાભિ પ્રદેશ કે જ્યાં મણિપુર ચક્ર આવેલુ છે ત્યાં કોઈ પણ જાતનો જાપ જપ્યા સિવાય અજપાજાપની અનુભૂતિ થવી. ચોથો અનુભવ ઃ હૃદય કમળ ઉપશમ બળે - બાળ્યા રાગને રોષ
હિમ હે વન ખંડને - હૃદય તિલક સંતોષ આ હૃદયમંદિરમાંથી કર્મના કચરા નીકળી જવાથી તે સ્થાનમાં પુન: ભગવાન આત્માનું પ્રતિષ્ઠાપન થવાથી અનાહત ચક્રની ભૂમિમાંથી પંચ દિવ્ય
ધ્વનિ નાદ શ્રવણની (બ્રહ્મનાદની) અનુભૂતિ થવી કે જેમાં (૧) ઘંટાનાદ (૨) ઝાલરનાદ (૩) પખવાજ (૪) મૃદંગ (૫) શહેનાઈ - નોબત (૫) ઘંટડીઓના નાદ શ્રવણની અનુભૂતિ થતી હોય છે. ત્યારપછી યુદ્ધમાં વિજયની જ્ઞાનના વિસ્તારથી નહિ પણ જ્ઞાયકના જ્ઞાનમાં ઠરવાપણાથી સમકિત છે.