________________
૧૦૨
આનંદઘન પદ - ૬૬
માગેગા લેખા - સાધુ સંગતિ અરૂ ગુરકી કૃપા મેં - મિટ ગઈ કુલકી રેખા - આનંદઘન પ્રભુ પરચો પાયો - ઉતર ગયો દિલ ભેખા. | સર્વ સાધુ પુરુષોનો પરિચય થાય અને સ-અસત્ વસ્તુની સમજ પડે તે હેતુથી મારુ ધ્યાન દરેક સાધુ સંસ્થામાં ચાલતી બાહ્ય પ્રવૃતિ ઉપર ગયું. તેમાં ચાલતી પરસ્પરની ખંડનાત્મક ફની-ફાની-ફાલતુ-ફોગટની પ્રવૃતિ જોયા પછી પોતાના આત્માનુ આમાં કલ્યાણ થાય તેમ નથી એમ તેમને જણાયું અને આ મનુષ્યભવમાં મારા સ્વરૂપને કોઈ પણ રીતે પામવું છે, એવો નિર્ણય કર્યા પછી બાહ્ય પ્રવૃતિઓનો ત્યાગ કરી, આત્મસાધનામાં મનને જોડ્યું તેનાથી પોતાના આત્મદર્શનનો પ્રત્યક્ષ પરિચય કહો યા ચમત્કાર કહો તે અનુભવાયો. અને તેથી તેમને લાગ્યું કે પેટ ભરવાની લાલસાવૃત્તિને પોષવા ખાતર લીધેલુ સાધુપણુ તે પ્રપંચી વૃત્તિવાળુ હોવાથી તેવું કાર્ય તો પોતાના આત્માને તેમજ ઉપકારી ગરભગવંતોને ઠગવા બરાબર ગણાય. આવી મહાપાપકારક પ્રવૃત્તિથીતો જન્માંતરમાં છુટવુ અસાધ્ય થઈ પડે એવું જાણીને તેમજ તેમની છલાકપટભરી પ્રવૃતિઓ નિહાળીને પ્રપંચી વેષ પરથી તેમનું મન તદ્દન ઉતરી ગયું.
પૂર્વ ભવમાં કરેલી જ્ઞાન-ધ્યાનની સાધના તેમજ સાધુ ભાઈઓની સંગતિનુ ફલ તેમને લાગ્યું એટલે ત્યારથી કુલ પરની મોહની રેખા રૂપ કલંકનું ધોવાણ થયું અને ભલી દૃષ્ટિ જાગી. પ્રભુના દિવ્યદર્શન અંતરમાં થયાનો પરચો મળ્યો.
(કરતા કીન કૌન કુની કરની - કીન માગેગા લેખા) - કોણ કોણ કેવા પ્રકારની કરની કરી રહ્યા છે એવી કરણી મારા આત્મા માટે ફની અર્થાત્ ફાની. એટલે કે નુકસાન કારક નીવડશે કે લાભ કર્તા એનાથી બંધાતા લેખા કે તોલા માપને જોખનારો કોઈ હશે તો ખરોજ એની દરકાર જીવ કરતો નથી. આવો અજ્ઞાન વ્યવહાર તેમની નજરે ચડ્યાથી, એવા ભેખધારી વેષ પરથી તેમનું દિલા ઉતરી ગયું.
યોગીરાજનો સાધુઓને ઉપદેશ છે કે હે મુનિઓ ! તમે જે કાંઈ શુભ કરણી કરો તે સ્વરૂપ પ્રાપ્તિના લક્ષે કરો. જ્યારે આત્માને પોતાનું સ્વરૂપ
દષ્ટિ વિનાનો વ્યવહાર તો ચક્રાવો છે. એ કાંઈ કેન્દ્રગામી-આત્મગામી ગતિ નથી.
