________________
દાઠા વાસવાણીની વિચારધારા
૩૯
મનુષ્યો કાર્યરત હોય છે. તેઓ ઘણા જ કાર્યશીલ હોય છે. પણ તેમની પ્રવૃત્તિ મોટા ભાગે આભૂષિત સ્વાર્થમય હોય છે. માટે જ ઘણા માણસો દુ: ખી લાગે છે. કાર્લાઈલનો માનીતો હીરો મહાન ફ્રેડરિક હતો. તે કહેતો : ‘‘હું મારી આખી જિંદગી દુ:ખી જ થયો છું.'' મહાન મનુષ્યો મહા દુ:ખી હોય છે, તેઓ પ્રવૃત્તિ કરતા હોય છે પણ જીવનના આનંદને જાણતા હોતા નથી. ઈશ્વરને આત્મસમર્પણમાં જ આનંદ છે. સમર્પિત જીવનમાં આનંદ છે.
શિક્ષણ
હિંદને અને સમસ્ત જગતને નારીહૃદયની મદદ અને પ્રેરણાની જરૂર છે. બાળાઓને શિક્ષણ આપવું તે ખૂબ જ જરૂરી છે. તેમનું ભણતર આધ્યાત્મિક સહાનુભૂતિના વાતાવરણની અંદર થવું જોઈએ. સંત મીરાંની સંસ્થાઓ, શિક્ષણ આધ્યાત્મિક વસ્તુ છે એમ માને છે.
ઇતિહાસમાં અમર થઈ ગયેલ સંત મીરાં સાથે સંકળાયેલ બાલિકાઓની શાળા અને કૉલેજ શિક્ષણમાં એક અભિનવ પ્રયોગ કરવાનો એક નમ્ર પ્રયાસ છે. આજનો મહાન ચિંતક જેન્ટાઇલ પ્રકાશ ફેંકતાં કહે છે : ‘‘આધ્યાત્મિક વિષય સિવાયની શાળા હોઈ શકે તે એક બેહૂદો ખ્યાલ છે.''
શિક્ષણ આધ્યાત્મિક આદર્શ પર આધારિત હોવું જોઈએ એવા વિચારથી પ્રેરાઈને સંત મીરાંની શાળા અને કૉલેજ કામ કરે છે.
નિયમો, પાઠ્યપુસ્તકો અને મકાનો કરતાં સંત મીરાંની સંસ્થા શુદ્ધ વાતાવરણ પર ભાર મૂકે છે. પ્રેમ અને સેવાના વાતાવરણમાં
