________________
સિદ્ધાંત-સ્વરૂપ સાહિત્યસુધા
૪૧ પ્રભુને અર્પણ કરતાં પ્રભુ પ્રસન્ન થાય છે.
દરેક સંપ્રદાયમાં ગુરુપરંપરા હોય છે. તેમ શુદ્ધત સંપ્રદાયમાં પુષ્ટિમાર્ગમાં શ્રીવલ્લભાચાર્યજીના વંશજો દ્વારા ગુરુપરંપરા શરણ મંત્રની અને બ્રહ્મસંબંધ મંત્રની દીક્ષાના પ્રધાન દ્વારા પ્રવૃત્ત છે.
- શ્રીવલ્લભની વંશપરંપરા શ્રીવલ્લભાચાર્યજીને બે પુત્ર હતા. મોટા પુત્રનું નામ શ્રી ગોપીનાથજી અને નાના પુત્રનું નામ શ્રી વિઠ્ઠલનાથજી હતું. શ્રીવલ્લભાચાર્યજી પછી આચાર્યપીઠે શ્રી ગોપીનાથજી બિરાજ્યા. તેમના પછી તેમના પુત્ર શ્રી પુરુષોત્તમજી આવ્યા પણ તેઓએ નાની ઉંમરમાં ભૂતલ ત્યાગ કરતાં અને તેમને સંતાન ન હોવાના કારણે શ્રીવલ્લભાચાર્યજીના બીજા પુત્ર શ્રી વિઠ્ઠલનાથજીએ આચાર્યપદે બિરાજી સંપ્રદાય અને સેવાપ્રણાલિકા અને સાહિત્યનો ખૂબ જ વિકાસ કર્યો છે. શ્રી વિઠ્ઠલનાથજીને સાત પુત્ર હતા.
શ્રી ગિરિધરજી, શ્રી ગોવિંદજી, શ્રી બાલકૃષ્ણજી, શ્રી ગોકુલનાથજી, શ્રી રઘુનાથજી, શ્રી યદુનાથજી અને શ્રી ઘનશ્યામલાલજી અને ચાર કન્યાઓ હતી : શ્રી શોભાજી, શ્રી યમુનાજી, શ્રી કમલાજી, શ્રી દેવિકા જી. શ્રી વિઠ્ઠલનાથજી શ્રી ગુસાંઈજીના નામથી પ્રસિદ્ધ છે. શ્રી ગુસાંઈજીએ પોતાનાં સાત બાળકોને ભગવાનનાં સ્વરૂપ પધરાવી આપ્યાં એ સાતપીઠના નામથી પુષ્ટિસંપ્રદાયમાં ઓળખાય છે.
