________________
મૌન રહ્યા અને જવાબની રાહ જોતાં હાથ જોડી પૂ.શ્રી-સંઘવી સામે બેસી ગયા. પૂ.શ્રીએ સાગરજી મહારાજ સામે જોયું. શું કરવું સાગરજી મહારાજ ! સાગરજી મહારાજ-એક રાજવી આવો આગ્રહ કરે છે તો રાજવીને નારાજ કરવા ઉચિત નથી, કેમ મહારાજજી?” મૌન છવાઈ ગયું. એકાદ મિનિટ પછી–પૂ.શ્રીએ સંઘવી શેઠ તરફ નજર ફેરવી જણાવ્યું કે શેઠ સૌરાષ્ટ્રના એક મહારાજવી આ રીતે વિનંતી કરે છે તો અમારી મુસીબતોનો વિચાર પડતો મૂકી એઓને સંતોષ થાય તેમ કરો તો સારું કર્યું કહેવાશે. અને શેઠ સંઘવીએ હાથ જોડી તત્તિ કહેતા આગંતુકોને જવાબ જણાવ્યો કે–ભલે ભાઈઓ, તમારી અને રાજ્યની આવી પ્રેમભરી લાગણી છે તો આવતીકાલે આ શ્રીસંઘ તમારા તરફ આવવા પ્રયાણ શરૂ કરશે. કહેતાંની સાથે જ બધાયે મોટા અવાજે આદીશ્વરદાદાની અને શાસનસમ્રાટશ્રીની જય બોલાવી. બધાય આગંતુકોના હૈયા હરખથી નાચી ઊઠયાં. - રાત્રે સંઘના પડાવમાં સંઘવીજીની આજ્ઞાથી ટહેલ પાડી દીધી કે–આપણો શ્રીસંઘ ગોંડલ મહારાજાની વિનંતીથી ગોંડલ તરફ પ્રયાણ કરશે અને કાલનું મુકામ રોજડી રહેશે.
બીજા દિવસની વહેલી સવારે ચાર વાગે ઢોલ-શરણાઈ ડંકાનિશાનના સરોદ વચ્ચે રોજડી ગામ તરફ પ્રયાણ આરંભ્ય. રસ્તામાં ગોંડલ રાજ્યની હદમાં પગ મૂકતાં જ બેડા ભરેલ કુમારિકાઓએ સંઘને ચોખાથી વધાવી લીધો. ચારેબાજુ આનંદ આનંદ વરતાતો હતો. લોકોના ટોળેટોળાં સંઘના દર્શનાર્થે પડાપડી કરતાં હતા. બરાબર ૧૦વાગે ગોંડલના બાપુના યુવરાજ શ્રી ભોજરાજજી અને નાના કુંવર મૂળરાજસિંહજી (જેઓ પાલીતાણા સ્ટેટના દીવાન સાહેબ હતા તે) સંઘનું સ્વાગત કરવા આવી પહોંચ્યા. સંઘની કચેરીએ જઈ સંઘવીશ્રીનું કંકુ-ચોખાથી તિલક કરી રાજ્ય
૫૩
