________________
પિનાલાલજી વિગેરે ઘરેથી પોતપોતાની બંદુકો તલવારો વગેરે હથિયારો છે
દારૂગોળો વિગરે કાપરડાજી લઈ આવ્યા. મહાસુદ-૫ પ્રતિષ્ઠાનો દિવસ નક્કી થયો. અઠ્ઠાઈ મહોત્સવો શરૂ થયા. દેરાસરમાં પોષવદ–૧૩ નંદ્યાવર્ત પૂજન ચાલતું હતું તે વખતે કોઈ ઝાટ પોતાના બાળકના વાળ ઉતરાવવા ભૈરવજી પાસે આવ્યા. આ જોઈ પૂ.શ્રીએ બાદરમલજી અને પનાલાલજીને બોલાવી કહ્યું કે એક બાજું આવું પવિત્ર વિધિવિધાન ચાલે છે અને બીજી બાજુ દેરાસરમાં આવી ઘોર આશાતના થાય એ કેમ ચાલી શકે? બાદરમલજીએ ઝાટને તે કાર્ય કરતાં રોકવા પ્રયાસ કર્યો. પણ એ તોફાને ચઢ્યો. બળ વાપરી હાકેમ સાહેબે એને ત્યાંથી દૂર કર્યો. વાતાવરણ ઉગ્ર બન્યું. પૂ.શ્રીએ જ્યાં સુધી ગોળથી મરતો હોય ત્યાં સુધી ઝેર શા માટે વાપરવું એમ વિચારી રાત્રે ગામના ઝાટ લોકોના આગેવાનોને બોલાવી એકત્ર કર્યા. ઉપદેશ દ્વારા સમજાવટનું કાર્ય શરૂ કર્યું પરંતુ એની કોઈ જ અસર ન થઈ. પૂ.શ્રીએ લોકો સમક્ષ રજૂઆત કરી કે – આ અમારું જૈન મંદિર છે. એમાં આવા કાર્યો થાય એ બરાબર નથી. તમો કહો તે જગ્યાએ અમો તમોને એ દેવદેવીઓના મંદિર બંધાવી આપીએ, ત્યારે ઝાટ લોકો કહે કે અહીંથી એ અમારા દેવદેવીઓ કોઈ રીતે પણ ખસી શકશે નહીં. જો તમે એ હટાવવા પ્રયાસ કરશો તો ભૈરવજી તમો કોઈને પણ જીવતા નહી છોડે, વિગેરે વાતો કરી પૂ.શ્રીને ડરાવવા લાગ્યા. પૂ.શ્રીએ પછી સ્પષ્ટ રીતે ચેતવણી ઉચ્ચારી કે પોષ વદિ ૧૪ના રાતના ૧૦ પહેલાં એ દેવ-દેવીઓ તમો અન્યત્ર લઈ જજો. જો એ સમય સુધીમાં નહીં થાય તો એ પછી જે કાંઈ થાય તેના તમો જવાબદાર છો. કેમ બાદરમલજી! બરાબર છે ને? બાદરમલજી હાકેમ સાહેબ-હા બાપજી બરાબર છે. એ લોકોને એજ રીતે અલ્ટીમેટમ આપવું આથી ભારેલા અગ્નિનો જ્યારે ભડકો થાય એક
૧૫
