________________
રાજસ્થાનના અતિ પ્રાચીન કાપરડાજી તીર્થનો પુનરુદ્ધાર
સમય : વિ. સં. ૧૯૦૫
સ્થળ : કાપરડાજી જી. : જોધપુર તા. : બિલાડા (રાજસ્થાન) પૂ.શાસનસમ્રાટ શ્રી રાજસ્થાનના પ્રદેશમાં વિચરતા હતા. વિચરતા વિચરતા પીપાડ સિટી થઈ બિલાડા ગામે પધાર્યા. આ ગામના શ્રીમંત શેઠ પનાલાલજી ગજરાજજી શ્રોફ પૂ.શ્રીના પરમભક્ત હતા. પાલડી શિવગંજના શેઠ ગુલાબચંદજી અમિચંદજી અને પન્નાલાલજી શ્રોફ બન્ને મિત્રો હતા.
પૂ. શાસનસમ્રાટ શ્રી ૧૯૭૪નું ચોમાસુ ફલોધીમાં કરી બિકાનેર નાગોર મેડતા જૈતારણ થઈ બિલાડા ગામે પધાર્યા. બિલાડાના આગેવાન શેઠ પનાલાલજી શરાફ વગેરે જૈનોને લાગ્યું કે પૂજ્ય શાસનસમ્રાટ શ્રી એક મહાપુરુષ છે એમાં શંકા જેવું છે જ નહીં. કાપરડાજીનો પુનરુદ્ધાર એમના સિવાય થવો અશક્ય છે. પૂ. મોહનલાલજી મહારાજ પણ એક વખત આવી ગયા અને પ્રયત્ન કરી જોયો પણ કાંઈ થયું નહીં.
બિલાડાના પાંચ–છ શ્રાવકોની સાથે પનાલાલજી શરાફ પૂ.શ્રી પાસે આવ્યા અને કાપરડાજીના ઉદ્ધાર અંગે વિનંતિ કરી. હવે આપ શ્રી કાપરડા પધારો અને ઉદ્ધારનું કાર્ય શરૂ કરાવો. આ અગાઉ હર્ષમુનિજી અત્રે આવેલ અને તીર્થની આશાતના જોઈ એમનું હૃદય દ્રવિત થઈ ગયેલ. જીર્ણોદ્ધારના અપૂર્વપ્રેમી શેઠ લલ્લુભાઈને ઉપદેશ આપી રૂા. ૧૦ હજાર અપાવેલ પણ ખરા. પરંતુ એથી ધરમૂળથી કોઈ ઉદ્ધાર ન જ થઈ શકયો. તેમજ જે આશાતનાઓ થતી હતી તે પણ દૂર ન થઈ શકી. આ મહાન કાર્ય આપશ્રી વિના કોઈ પણ રીતે થઈ શકે તેમ નથી માટે આપ શ્રી
૧૨