________________
બાવાજી એ ઝોળીમાંથી પાંચનું પતાકુ કાઢ્યું અને ખેપીઆના હાથમાં સેરવી લીધું. કહેવત છે કે ‘‘જિસકે હાથમેં દામ ઉસકો કરે બીબી સલામ,’' ખેપીઓ પીગળી ગયો. બાવાજી–જરા દેખું તો યહ કાગજ, ઓર ઈસમેં કયા લિખા હૈ, દેખું તો સહી., ખેપીઆએ ગભરાતાં પરબીડીયું બાવાજીના હાથમાં આપ્યું. બાવાજી—બચ્ચા ગભરાના નહી, મેં ઈસ તરહ ઈસકું ખોલુંગાકી કીસી કો ખબર ભી ના પડે અને બાવાજીએ કમંડળમાંથી પાણી કાઢી આંગળીથી કવર ઊપર ચોપડ્યું ગુંદર ઓગળ્યો અને પરબીડીયું ઊઘડી ગયું ખોલીને વાંચ્યુ તો એમાં લખેલું કે સાદર સલામ સાથે જણાવવાનું કે ડુંગર ઊપર છાપરું બનાવવા ગયેલ આપણા માણસોને આ બાજુના કામળીઆએ ખૂબ માર્યાં છે જબરૂ તોફાન થઈ ગયું છાપરાનો માલસામાન પણ એ લોકોએ વગે કરી નાખ્યો છે હવે શું કરવું ? જવાબ જણાવવા વિનંતિ.
લી. દિવાન ચીમનભાઈ કાગળ વાંચી પાછો હતો તે પરબીડીઆમાં મૂકી થોરના દૂધથી એ બરાબર પેક કરી તાપણ ઉપર શેકી કોરો કરી નાખ્યો. કામ એટલી સિફતથી કર્યું કે જરાય વહેમ ન આવે. બાવાજીએ ખેપીઆને લાલચ આપી કે પાછા વળતા અહીંથી જજો તને ખૂબ રાજી કરીશ. પૈસાથી શું ન થઈ શકે ? ખેપીઆએ ગારીયાધાર જઈ બાપુને પરબીડીયું આપ્યું બાપુએ પણ ઉતાવળમાં પરબીડીયું ફાડી સમાચાર જાણી લીધા મનમાં ધારણા હતી તેમ જ થયું. ખેર, વળી કો'ક વખત વાત. સેક્રેટરીએ આનો જવાબ લખ્યો કે જો તોફાન થયું હોય તો હમણાં એ કામ બંધ રાખશો., હું પાંચ દિવસ અહીં રોકાઈશ.
લી. હજુરહુકમથી નાનભા
૭
