Page Text
________________
ش
આવા ઉચ્ચતમ વિચારોને પુસ્તકકારે ગોઠવી પાઠકો સમક્ષ પ્રગટ કરવાની જવાબદારી સંપાદકની બની જાય છે. જો કે ગંગાના અસ્ખલિત ખળખળ વહેતા નિર્મળ પ્રવાહને કોઈએ વ્યવસ્થિત રીતે ગોઠવવો પડતો નથી. ગંગાનો પ્રવાહ સહજ રીતે પોતાનો માર્ગ કરી ગોઠવાઈ જાય છે, તેમ અધ્યાત્મયોગીજનોની અનુભવરૂપ ગંગોત્રીમાંથી પ્રવાહિત થતી અસ્ખલિત વિચારધારા સહજ રીતે સુવ્યવસ્થિત જ હોય છે. તેમ છતાં તે ધારાવાહી વિચારપ્રવાહનું લેખાંકન કરવું, પાઠકોને માટે તેનું વિષયવાર વિભાજન કરવું, તેમના ભાવોને યથાવત જાળવી રાખી તેને પુસ્તકનું રૂપ આપવું, વગેરે કાર્યવાહી સંપાદકે કરવાની હોય છે.
આ જવાબદારી કિઠન હોવા છતાં મારા રસ–રુચિ અનુસાર હતી. તેથી ગુરુ આજ્ઞાને મેં શ્રદ્ધાપૂર્વક સ્વીકારી લીધી. આત્મસિદ્ધિશાસ્ત્રના મહાભાષ્યના બે ભાગનું કામ પૂર્ણ થયું. કાર્ય કિનારા તરફ આવી રહ્યું હતું. પૂજ્યશ્રીના મનમાં પણ મહાભાષ્યની પૂર્ણતા માટે એક ઉચ્ચતમ ભાવના હતી. યોગાનુયોગ અમારું ચાતુર્માસ પૂજ્યશ્રીના સાંનિધ્યમાં થયું. મહાભાષ્યના ત્રીજા ભાગની ગાથાઓનો પૂજ્યશ્રીનો ચિંતન પ્રવાહ સાક્ષાત્ ઝીલવો અને તેનું લેખાંકન કરવું, તે પણ એક અપૂર્વ લ્હાવો હતો. આ સદ્ભાગ્ય અમોને સાંપડયું. પ્રતિદિન પ્રાતઃકાલે જ મહાપ્રજ્ઞા પૂ. વીરમતીબાઈ મ., પૂ. બિંદુબાઈ મ., સાધ્વી આરતી અને સાધ્વી સુબોધિકા અપ્રમતપણે લેખાંકન માટે બેસી જતાં હતા. મુમુક્ષુ આભાબેન પણ આ કાર્યમાં સહયોગી બન્યા હતા. પૂજ્યશ્રીના સાક્ષાત્ સાંનિધ્યથી તેમના ભાવોને સમજવામાં સરળતા રહેતી હતી. જ્ઞાનીજનોના ભાવો યથાવત્ જળવાઈ રહે, તેનું પૂર્ણ લક્ષ રાખીને. હિમાલયની શ્રમસાધ્ય વિહારયાત્રા દરમ્યાન સમય ફાળવીને સંપાદન કાર્ય પૂર્ણ કર્યું. મમ શ્રદ્ધાસિંધુ અનંત ઉપકારી તપસમ્રાટ ગુરુદેવ પૂ. શ્રી રતિલાલજી મ.સા. તથા અપૂર્વ શ્રુત આરાધિકા ગુરુણીમૈયા પૂ. લીલમબાઈ મ. વિડલ ગુરુભગિની મહાપ્રજ્ઞા પૂ. વીરમતીબાઈ મ. આદિ ઉપકારી ગુરુભગવંતોની અસીમ કૃપાએ તથા સહવર્તી ગુરુભગિનીઓની સદ્ભાવનાથી તથા અલ્પ ક્ષયોપશમે છતાં પ્રબળ પુરુષાર્થે મને મારા કાર્યમાં આંશિક સફળતા મળી છે. ગુરુ પ્રાણ આગમબત્રીસીના સંપાદનકાર્ય પછી આ મહાભાષ્યના સંપાદનની અણમોલી તક મને મહદ્ પુણ્યયોગે પ્રાપ્ત થઈ છે. કાર્યપૂર્ણતાની આ પાવન પળે પરમકૃપાળુ પરમાત્માને પ્રાર્થના કરું છું કે હે પ્રભો ! મને આવી શાસ્ત્ર સ્વાધ્યાય માટેની તક પુનઃ પુનઃ મળતી રહે અને શાસ્ત્ર સ્વાધ્યાય દ્વારા હું અંતર્મુખ બનતી રહું અને અંતિમ લક્ષને પૂર્ણ કરું એ જ મંગલ કામના.
અંતે પરમ પિતા પરમાત્માને, પરમાત્માના માર્ગને સરળ રીતે પ્રગટ કરનાર સિદ્ધિકાર શ્રી શ્રીમદ્ભુને, મહાભાષ્યકાર આદિ ગુરુભગવંતોને ત્રિકાલ વંદન કરીને વિરામ પામું છું.
છદ્મસ્થદશાવશ જિનવાણીના આલેખનમાં કોઈપણ પ્રકારે સ્ખલના થઈ હોય તો પંચ પરમેષ્ઠીની સાક્ષીએ ત્રિવિધે ત્રિવિધે મિચ્છામિ દુક્કડમ્...
આ મહાભાષ્યનો સ્વાધ્યાય સ્વ–પરને મોક્ષમાર્ગની નિકટતમ બનાવે એ જ મંગલભાવના..
| SR No. | 005939 |
| Book Title | Atmsiddhi Mahabhashya Part 03 |
| Original Sutra Author | Shrimad Rajchandra |
| Author | Jayantilalji Maharaj |
| Publisher | Shantaben Chimanlal Bakhda |
| Publication Year | 2011 |
| Total Pages | 456 |
| Language | Gujarati |
| Classification | Book_Gujarati |
| File Size | 14 MB |