________________
પરમ માહાત્મવંત આ પ્રત્યક્ષ સન્દુરુષનો આ પામરને યોગ થયો ન હોત તો મિથ્યામાર્ગની પ્રરુપણા અને આગ્રહથી અનંત સંસાર વધારી પૂર્વની અમૂલ્ય કમાણીરૂપ મનુષ્યભવ નિષ્ફળ વહ્યો જાત. તે ઉપરાંત દુર્લભબોધિપણું પામીને માઠી ગતિમાં કેટલોય કાળ પરિભ્રમણ કરવું પડત. અનંતદોષનું ભાજન આ જીવ પુરુષના શરણ વિના શી રીતે ઊંચો આવત? અપરમાર્થને વિષે પરમાર્થના દઢ આગ્રહરૂપ અનેક સૂક્ષ્મ ભૂલભૂલામણીના પ્રસંગો દેખાડી આ દાસના દોષો દૂર કરવામાં એ આપ્ત પુરુષનો પરમ સત્સંગ તથા ઉતમ બોધ પ્રબળ ઉપકારક બનેલા છે. તેનો પ્રત્યુપકાર વાળવા હું સર્વથા અસમર્થ છું.
તેઓએ તીર્થકર ભગવાનને પણ ઓલંભા આપ્યા છે પણ ત્યાં ગવેષણાપૂર્વક સૂક્ષ્મ વિચાર રાખવો ઘટે. શ્રીમદ્ જિન ભગવંત અને જિનાગમ પ્રત્યે અસ્થિમજ્જારંગી હતા, અનન્યચિત્ત હતા.
શ્રીમદ્ભા ભકતો ઈતરદર્શની પણ હતા. એટલે તે જીવો શાસ્ત્રાનુસાર કઈ રીતે બોધ પામે, પરમાર્થ સન્મુખ થાય છે તે રીતે તેઓશ્રીએ પત્રોમાં સદુપદેશ કર્યો છે.
કેટલેક સ્થાને પદાર્થ સ્વરૂપ, તત્ત્વાર્થ સ્વરૂપની વિશેષ વિચારણામાં મહાતીક્ષ્ણ મતિસૂક્ષ્મતાને સ્થાન આપી આશંકા કરી છે, શંકા નહિ.
- શ્રી લધુરાજસ્વામી, શ્રી સદ્ગુરુ પ્રસાદમાંથી
વેદાંતના નવયુગપ્રવર્તક તરીકે શ્રીયુત વિવેકાનંદે પોતાના વર્ગમાં જ કીર્તિ મેળવી છે તે જ પ્રકારની કીર્તિ અમે જૈનોના વિષયમાં શ્રીમાન્ રાજચંદ્રને આપીએ તો તેમાં કોઈ જાતની અતિશયોક્તિ નથી.
- અધિપતિ જૈન, તા. ૨૮-૧૧-૧૯૦૯
23