________________
પૂજ્યશ્રી કાનજીસ્વામીએ પણ ઉત્કંઠા અને પાત્રતા જોતાં એકાંતમાં યથાર્થ ઉપદેશ આપી તેઓશ્રીને માર્ગસ્થ કર્યા. ગુરુદેવશ્રીથી પ્રભાવિત થયેલા અને આત્મશાંતિને અનુભવી ચૂકેલા તેઓશ્રી દિવ્યદૃષ્ટિ પ્રાપ્ત થતાં જ જનકલ્યાણના માર્ગે સંચરી ગયા. અમદાવાદ, મુંબઈ, ઉત્તર ગુજરાત, કચ્છ, સૌરાષ્ટ્ર વિસ્તારમાં ગુરુદેવશ્રી કાનજી સ્વામીનો ધર્મસંદેશ પહોંચાડી એક વર્ષ અને તેર દિવસે સોનગઢ ગુરુદેવશ્રીની સેવામાં પાછા ફર્યા. ગુરુદેવશ્રીની આજ્ઞા થતાં ઉમરાળામાં જ કાયમી નિવાસ કરી આત્મકલ્યાણ સાધવા સહિત શેષ જીવન જનકલ્યાણમાં સમર્પિત કરી દઈ ભારત સિવાય પાકિસ્તાન સહિત વિદેશોમાં પણ જૈનધર્મનો પ્રચાર-પ્રસાર કર્યો. તેઓશ્રી વિ.સં. ૨૦૪૪ના ભાદરવા સુદ પૂર્ણિમા, રવિવારના દિવસે અત્રેનું નિર્માણકાર્ય પૂર્ણ થતાં અનંતની પ્રાપ્તિ અર્થે અનંતની યાત્રાએ પ્રયાણ કરી ગયા.
આજેય ગોહિલવાડ પંથકના લોકો ઉમરાળા ગામને શ્યામદેવ સ્વામીનું ઉમરાળા કહીને પૂજ્ય સ્વામીજીને યાદ કરે છે. શ્યામદેવ સ્વામી દ્વારા રચિત શતાધિક ભજનો લલકારતા ભાવભીની ભગવદ્ભક્તિ કરીને તેને શ્રદ્ધાંજલિ અર્પે છે. આજે ગોહિલ પંથકના ઉમરાળાનો શ્યામસમાધિ આશ્રમ શ્રદ્ધાળુઓને માટે યાત્રાધામ તરીકે ઉભરી આવ્યો છે.
આ છે મારા જેનેત્તર પિતામહની જીવનગાથા કે જેઓશ્રી જનમાંથી જેન થયાં અને જિન થવાના માર્ગે પ્રયાણ કરી ગયા. આવા મહાન પિતામહના સંતતિયોગને પામવા ભાગ્યશાળી બનેલો હું એને મારું અહોભાગ્ય માની ધન્યતા અનુભવું છું !!!
11
