________________
પુત્રીને પિતા “તે તે મહેરબાન તમે સાવધાન થઈ જાઓ. એ વાને જ એન્થની ફેસ્ટરનો પેટ્રન અને સંરક્ષક છે. એની પાસેથી જ ફેસે એ ભવન અને પાર્ક કોઈક પ્રકારની સાથે રાખેલાં છે. વાનેને બિલ્ડનના મઠની બધી જમીન-જાગીર તથા કમ્નર-લેસની ઇમારત તેના માલિક અ ઑફ લિસેસ્ટર પાસેથી મળેલી છે. લોકો કહે છે કે વાને અર્લ ઑફ લિસેસ્ટર પાસે ગમે તે કામ કરાવી શકે તેમ છે. અને અર્લ આપણાં રાણી પાસે ગમે તે વસ્તુ કરાવી શકે તેમ છે. ગઈ કાલે સાંજે જ તમે જોયું હતું ને કે, લોકો ટૉની ફેસ્ટર બાબત મનમાં આવે તેમ બોલતા હતા, પણ રિચાર્ડ વાર્નોનું નામ પણ દેતા ન હતા. જો કે, બધા જ જાણે છે કે કન્ઝર-લેસની સુંદરીના રહસ્ય પાછળ ખરી રીતે રિચાર્ડ વાનું જ છે. અને કદાચ તમે મારા કરતાં એ બાબતમાં વધુ જાણતા હશે; કારણકે સ્ત્રીઓ પોતે તરવાર ધારણ કરતી નથી, પણ તે જ ઘણી તરવારોને જીવતા લોહી-માંસનું મ્યાન પ્રાપ્ત કરાવતી હોય છે.”
“ખરી વાત છે; એ કમનસીબ લેડી બાબત તમારા કરતાં હું ઘણું ઘણું વધારે જાણું છું, મિત્ર; અને અત્યારે મિત્રો અને સલાહસૂચનની બાબતમાં મને એટલી ભારે તંગી છે કે, હું તમારાં સલાહસૂચન મેળવવા જ તમને આખી વાત કહી સંભળાવવા તૈયાર છું, જેથી મારી વાત પૂરી થયે, તમારી પાસેથી કંઈક મદદ હું માગી શકું.”
ભલા માસ્ટર ટ્રેસિલિયન, હું તો એક ગરીબ વીશીવાળો છું. તમારા જેવા રાજદરબારી માણસોને હું તે શા સલાહસૂચન આપી શકવાને હતો? છતાં હું પ્રમાણિક માણસ છું અને હું તમને તમારે જોઈતી મદદ કદાચ ન પણ કરી શકું, છતાં તમે મારામાં મૂકેલા વિશ્વાસને હું કદી ધખો નહિ દઉં, એટલું નક્કી જાણજો. અલબત્ત, વીશીવાળામાં હોય તેવી બીજાની વાત જાણવાની ઈંતેજારી મારામાં હશે ખરી; પણ મારા હાથમાં તે પૂરેપૂરી સહીસલામત રહેશે, એટલી ખાતરી હું આપી શકું છું.”
મને એ વાતની ખાતરી છે, એટલે જ હું તમને એ બધું કહેવા પ્રેરાયો છું. વાત એમ છે કે, તમે કદાચ જાણતા હશો કે સર રોજર રોબ્સર્ડે આપણી રાણીના દાદા હૈની ૭ સાથે મળી સ્ટોકના યુદ્ધમાં કેવી કામગીરી બજાવી હતી. પણ મારા દાદા તેમની સામેના પક્ષમાં હતા, તે સર રોંજરના હાથમાં કેદ પકડાયા, ત્યારે તેમણે ભલમનસાઈ દાખવી તેમને કશી