________________
પ્રીત કિયે દુઃખ હેચ” પણ માસ્ટર વાર્ને, તમે આ બાબતમાં ભારે ભૂલમાં પડ્યા હો એમ મને લાગે છે. તમારા ઉપર પણ તેની પૂરી ખફામરજી જ હોય એમ લાગે છે. આજે સવારે તમને કેવો ઠંડો આવકાર મળ્યો હતો, તે ભૂલી ગયા?”
“તું ભૂલે છે, ફેસ્ટર; મારી સાથે તો તે ઉપકારનાં ઘણાં સખત બંધનોથી બંધાયેલી છે. અજાણી ઍમી રોબ્સર્ટ, એક કંગાળ બની ગયેલા મૂરખ ઉમરાવની દીકરી, જેનો વિવાહ એડમન્ડ ટ્રેસિલિયન જેવા પાગલ અને ગમાર સાથે થયેલો, તેને એ ખાડામાંથી કાઢી, ઇંગ્લેન્ડમાં અને કદાચ યુરોપમાં પણ આગળ પડતા કહેવાય તેવા ઉમરાવ, અર્લ ઓફ લિસેસ્ટરના નજરમાં કોણે વસાવી આપી હતી? કોણે તે બે વચ્ચે ગુપ્ત મુલાકાત ગોઠવી હતી? એમીનાં કુટુંબીઓ તો હજુ મને જ તેને ભગાડી જવા માટે દોષિત ગણે છે – અને હું એ તરફ થઈને નીકળું, તો મારે બહુ સાવચેત રહીને જ નીકળવું પડે. એ બે જણના પત્રો પણ કોણ લાવતું-લઈ જતું હતું? તેને ભગાડવાની યોજના પણ કોણે કરી હતી? અને એમ છેવટે, નાનકડા વહેળાના અજાણ્યા કિનારા ઉપર ઊગેલા એ જંગલી ફૂલને બ્રિટનની સર્વશ્રેષ્ઠ બૉનેટમાં કોણે ખસી આપ્યું છે? મેં જ!”
પણ માસ્ટર વાને, તમે કેમ ભૂલી જાઓ છે કે, તમારું ચાલ્યું હોત તો તમે એ ફૂલ પેલી ટોપીમાં એવું અધકચરું ખસી આપ્યું હોત, જેથી કામનાના સદા બદલાતા પવનની સહેજ ફંકથી તે કયાંય દૂર ઊડી ગયું હોત?”
મારા લૉર્ડનું હિત અને તે પ્રત્યેની સાચી ચિંતાને કારણે મેં તેમને પ્રથમ તો લગ્ન ન કરવાની સલાહ આપી હતી, પણ જ્યારે મેં જોયું કે ઍમી લગ્નની વિધિ થયા વિના રાજી નહિ જ થાય, ત્યારે પછી મેં જ તેમને એ વિધિ પતાવવાની સલાહ આપી હતી, – એટલો વિચાર તો તેય કરશે જ ને?”
પણ એ ઉપરાંત તમારી સામે તેને બીજી એક ફરિયાદ છે. – અને તે અંગે તમારે સવેળા સાવચેત થઈ જવું જોઈએ એવી મારી તમને ભલામણ છે : તેને આ મઠ જેવા જૂના મકાનમાં ગોંધાઈ રહેવાને બદલે કાઉની વચ્ચે કાઉન્ટસ થઈને પિતાનો પૂર-દમામ દાખવવો છે.”
* સ્ત્રીને બહાર પહેરવાની કાર વિનાની ટેપી. – સંપા.
