Prit Kiye Dukh Hoye

SR No.: 005924
Original Sutra Author: N/A
Author: Gopaldas Jivabhai Patel
Publisher: Parivar Prakashan Sahkari Mandir Ltd
Publication Year: 1984
Total Pages: 346
Language: Gujarati
Classification: Book_Gujarati
File Size: 19 MB

Page 33

પ્રીત કિયે દુઃખ હોય' થઈ બેસવાની એ નક્કી છે. માટે મહેરબાન, તમે એની સાથે ન જાઓ તે સારું, એમ હજુ પણ હું માનું છું.”
ટ્રેસિલિયને ખાતરી આપી કે, પોતે બહુ સાવચેતીથી વર્તશે, અને પોતાની સહીસલામતી બાબત ભલા જાઇશે કશી ચિંતા કરવાની જરૂર નથી.
ટ્રેસિલિયન નાસ્તો પરવારીને તૈયાર થયો, તેટલામાં જ બહાર કોઈને મળવા ગયેલો માઈકેલ લેમ્બોર્ન પાછો આવી પહોંચ્યો. તેણે નવાં કપડાં પહેરીને થોડી ટાપટીપ કરી હતી, પણ ટ્રેસિલિયને એવાં ચાલુ કપડાં પહેર્યા હતાં કે જેથી તે વીશીવાળાને કોઈ નોકર જ લાગે. ભલા જાઇસે એ પ્રમાણે પોતાને અભિપ્રાય બંનેના સાંભળતાં જ કહી બતાવ્યો.
પણ લૅમ્બોને તરત જ કહ્યું, “મામા, તમે ગામડાગામની બહાર નીકળ્યા નથી એટલે એવું ભલે કહો; બાકી શહેરમાં તે હું ગમે તેટલો ઠઠારો કરું કે ગમે તેટલા પૈસા વાપરું, તોપણ વીશીવાળાય પામી જઈને મને ટેબલ આગળ છેડે જ બેસાડે છે! સાચી ખાનદાની એ માળી કોઈ એવી ગુઢ વસ્તુ છે, જે હજારો પ્રયત્ન કરીએ, તોપણ શીખી શિખાય નહિ. કે ઓઢી ઓઢાય નહિ. વેઈટરો અને નોકરી આગળ હું ગમે તેટલો રુઆબ દાખવું, પણ કશી વસ્તુ મંગાવી હોય, ત્યારે તેઓ એમ જ કહે છે કે લાવું છું, યાર.”
તો તમે તમારા જૂના મિત્રને મળવા જવાના તમારા નિશ્ચયમાં હજુ કાયમ છે, એમ ને?” ટ્રેસિલિયને પૂછયું.
હા, મહેરબાન; જ્યારે હોડ બક્યા હોઈએ, ત્યારે પોચકું નાખીને ખસી ન જ જવાય, એ તે દુનિયાભરનો કાયદો છે. પણ હું ભૂલતો ન હોઉં – જેકે કાલે રાતે વધારે પડતું પિવાઈ ગયું હોવાથી કશું ચોક્કસ યાદ છે એમ ન કહી શકાય – તો તમેય મારી હોડમાં ભાગ પુરાવ્યો છેને?”
“હા, હા, તમે જો સાથે આવવા દો, તે હું તમારી સાથે જ આવવા માગું છું. મેં આપણા ભલા વીશી-માલિકના હાથમાં આપણી હોડનાં નાણાંની અર્ધી રકમ કયારની અનામત મૂકી દીધી છે.” ટ્રેસિલિયને જવાબ આપ્યો.
હા, હા, રોકડા ગણી આપ્યા છે, ભાણાભાઈ,” જાઈશે ટાપશી પૂરી; “પણ મારી સલાહ છે કે, ત્યાં કંઈ તકરાર જેવું થાય તે ઝટ તરવાર ખેંચવાને બદલે મને તરત બોલાવવા મોકલજો; ટૉની ગમે તેટલો