Prit Kiye Dukh Hoye

SR No.: 005924
Original Sutra Author: N/A
Author: Gopaldas Jivabhai Patel
Publisher: Parivar Prakashan Sahkari Mandir Ltd
Publication Year: 1984
Total Pages: 346
Language: Gujarati
Classification: Book_Gujarati
File Size: 19 MB

Page 273

ર૫૬
પ્રીત કિયે દુખ હોય” કરી છે. જોકે, અત્યારે કાઉન્ટેસ પોતાના મુસાફરીના પોશાકમાં આખે શરીરે અને અર્ધા માં અને અર્ધા કપાળ સુધી બરાબર ઢંકાયેલી હતી, તેમજ હૉમ્બૉર્નને કદી કન્નર-પ્લેસમાં તેની રૂબરૂમાં આવવાનું બન્યું ન હોવાથી – અને તે આંગણામાં થઈને જ આવતો હોય ત્યારે જેનેટે તેને વાર્નેના બદમાશ નવા નોકર તરીકે ઓળખાવીને બતાવ્યો હોવાથી – તે પોતે તેને બરાબર ઓળખતી હોવા છતાં લેમ્બોર્ન તેને ઓળખતો હોય એવો સંભવ ન હતો. ઉપરાંત લૅમ્બૉર્ન અત્યારે છેક જ પીધેલ હાલતમાં હતો એટલેય તેને કોઈ વાર જોઈ હોય તો પણ આભાસથીય તેને ઓળખી કાઢે તેમ ન હતું. છતાં ત્યારે એ સ્થિતિમાં પેલો તેને સામાન્ય સ્ત્રી ધારીને બળાત્કાર કરી બેસે એવો સંભવ પણ વિશેષ હતો.
અને તેમજ થયું. લૅમ્બોને ઝટપટ પોતાના જન્મ બાજુએ મૂકી, બારણાને ધક્કો મારી બંધ કરી દીધું અને સીધે તે ઍમી ઉપર લપકડ્યો.
કાઉન્ટસે ચીસાચીસ પાડવા માંડી અને તેની બાથમાંથી છૂટવાનો ઝનૂની પ્રયાસ કર્યો. પણ કામાવેશમાં આવેલો પેલો દારૂડિયો પણ ભાન ભૂલીને તેને જેર કરવા પ્રયત્ન કરવા માંડયો.
પણ એ ચીસાચીસ સાંભળીને મેરવિન ટાવરનો દારગો લૉરેન્સ સ્ટેપલ્સ, જે પણ લૅમ્બૉર્ન સાથે દારૂ પીને મસ્ત હાલતમાં જ હતો, તે ત્યાં પોતાની જંગી ચાવીઓ સાથે દોડી આવ્યો. તેને દારૂની મસ્તીમાં એટલું જ દેખાયું કે, સ્ત્રી-કેદી અને પુરુષ-કેદી એક જ કોટડીમાં ભેગાં થઈ ગયાં છે. એટલે તે તરત વચ્ચે કૂદી પડ્યો અને બોલવા લાગ્યો, “આ શો જુલમ? મારા જેલખાનામાં પુરુષ-કેદી સ્ત્રી-કેદીની કોટડીમાં ઘૂસી જાય એમ? કદી એવું બન્યું છે ખરું? મારી હકૂમત હેઠળ હું આવું કદી નહિ બનવા દઉં.”
લૅમ્બૉર્ન તેને ઓળખી તરત બોલી ઊઠ્યો, “અલ્યા એય દારૂડિયા, જોતો નથી કે હું અને આ બાનુ ખાનગી મુલાકાતમાં છીએ? જા ભાગ નીચે !”
“ઓ ભલા મહેરબાન !” કાઉન્ટેસ દારોગાને સંબોધીને ચીસ પાડવા લાગી, “મને આના હાથમાંથી બચાવો, ભગવાનને ખાતર!”
એ સ્ત્રી-કેદી ખરી વાત કહે છે,” દારોગાસાહેબ વદ્યા, મારે એની વહારે ધાવાની હાકલ સાંભળવી જ રહી. હું મારાં કેદીઓને મારાં બાળકો જેવાં જ ગણતે આવ્યો છું. ભલભલી મોટી રાજશાહી જેલોની જેમ જ