________________
[ 2 ] ધન્ય ધરા સૌરાષ્ટ્રની
સૌરાષ્ટ્રની ભૂમિ-સૌરાષ્ટ્રની ધરા પ્રાચીન પણ છે અને પવિત્ર પણ છે. જ્યારે ગૂર્જરરાષ્ટ્ર-ગુજરાત અસ્તિત્વમાં આવ્યું ન હતું, ત્યારે પણ તેની કીર્તિકથા ચોમેર ફેલાયેલી હતી અને તે ઠેઠ ગ્રીસ અને રોમના રાજદ્વારો સુધી પહોંચી હતી. તેની એતિહાસિક ઝલક અનેરી છે. તેના પર એક ઉડતો દૃષ્ટિપાત કરી લઈ એ.
જરાસંઘના ભયથી વિદ્ધવલ બનેલા શ્રીકૃષ્ણને જ્યારે સલામત સ્થાન શોધવાની જરૂર જણાઈ, ત્યારે તેમની નજર સૌરાષ્ટ્ર પર પડી. તેના પવિત્ર પહાડ, તેની નમણી નદીઓ અને વિશાલ સાગરપેટે તેમનું આકર્ષણ કર્યું. પરિણામે ત્યાં દ્વારકાનગરી વસાવી. તે ધનધાન્યથી સમૃદ્ધ બની, વિદ્યા-કલાથી વિભૂષિત થઈ અને યાદોની રાજધાનીનું સ્થાન પામી. જગતની અલબેલી નગરીઓમાં તેની ગણના થવા લાગી, પરંતુ વૈભવ અને વિલાસના અતિરેકે યાદવને પતન તરફ ધકેલ્યા. સુરા અને સુંદરી તરફના અનહદ
