________________
આપણી ધર્મારાધનાની ધરી–સ્વાર્થ કે વિશ્વપ્રેમ?
“પંદરેક વર્ષ પહેલાંનો આ બનાવ છે.
“સવારના આશરે નવેક વાગ્યા હશે. અસારવા ગામના ચોરા પાસે મુખીવાસના નાકે, બત્તીના થાંભલા આગળ છ-સાત વર્ષની લક્ષ્મી રમતમાં મશગુલ હતી. રસ્તે જતાં-આવતાં લોકો અવરજવરમાં મશગૂલ હતાં.
એવામાં માલ ઉતારીને પાછો જવા માગતો એક ખટારો. પાસેના ખાંચામાંથી રિવર્સમાં બહાર નીકળ્યો અને થાંભલા ભણી આવી રહ્યો. પેલી બાળા ત્યાં જ રમતી હતી. એની નજર બત્તીના થાંભલા ભણી હતી, ને પૂંઠ આવી રહેલા ખટારા તરફ હતી. રિવર્સમાં આવી રહેલો ખટારો નજીક આવી પહોંચ્યો હતો એનું એને ભાન ન હતું. ડ્રાઈવર પણ ઉતાવળમાં કશું ભાન રાખ્યા વિના ખટારો પાછો વાળી રહ્યો હતો.
એકાએક એક તીણી ચીસ સંભળાઈ..ડ્રાઈવરે બ્રેક મારી ગાડી થોભાવી. પરંતુ ઘણું મોડું થઈ ગયું હતું ...થાંભલાને અડીને જ ખટારો ઊભો રહ્યો. પરંતુ એ થાંભલા અને ખટારા વચ્ચે પેલી બાળા તો પીસાઈ જ ગઈ હતી...આંખના ડોળા સાથે, એના પ્રાણ બહાર નીકળી ગયા હતા.
ચારે બાજાથી હો હા થઈ ગઈ. ટોળું ભેગું થઈ ગયું. ડ્રાઇવર પરિસ્થિતિ પામી ગયો ને જલદીથી છટકી જવા તેણે પ્રયત્ન કર્યો, પરંતુ એમ કોણ છટકવા દે એમ હતું? નાસી જતો પકડી પાડયો....એ હરામખોરને પૂરો જ કરી નાખો. 'નો દેકારો મચ્યો, ને ટપલીદાવ શરૂ થયો.
લોકોનો ગુસ્સો અને જુસ્સો એવો હતો કે એ પૂરો જ થઈ જાત.પરંતુ એવામાં, એક માણસ દોડતો આવ્યો અને બૂમો પાડીને બોલવા માંડયો, “અરે ભાઈ, તમે બધા આ શું કરો છો? એને મારવાથી છોકરી શું પાછી આવવાની છે? છોડી દો એને..” • •
“આ ભાઈની વાત સાંભળવા કોઈ તૈયાર જ ન હતું. એટલે એ